Saam 53:1-6
Wahn noat fi di dairekta: Play dis sang eena di Mayhalat* stail. Maskil.* Dis da Dayvid sang.
53 Dehn wan weh noh ga no sens* tel dehnself:
“Jehoava noh egzis.”
Di tingz weh dehn du wikid ahn disgostin;Nobadi di du weh gud.
2 Bot Gaad di luk dong pahn peepl fahn op da hevnFi si if enibadi waiz, if enibadi di luk fi Jehoava.
3 Aala dehn ton weh fahn du weh rait;Aala dehn da di saym—dehn wikid.
Nobadi di du weh gud,Nat eevn wan a dehn.
4 Dehn wan weh du weh rang noh andastan notn.
Wen dehn dischrai mai peepl da laik notn fi dehn, da laik if dehn di eet bred.
Dehn noh ton tu Jehoava.
5 Bot soon dehn wahn ful a fyaa,Wahn kaina fyaa weh dehn neva feel bifoa,*Bikaaz Gaad wahn skyata yu enimi dehn boan.*
Yu wahn mek dehn luk shaym, bikaaz Jehoava mi rijek dehn.
6 Ah pray dat Izrel salvayshan wahn kohn fahn Zaiyan!
Ah pray dat Jaykob wahn rijais an Izrel wahn rijaisWen Jehoava gyada ih peepl weh yoostu bee priznaz bak tugeda.
Futnoat
^ Si di Glasari, “Mayhalat.”
^ Si di Glasari, “Maskil.”
^ Er “foolish.”
^ Dis ku aalso bee “Dehn wahn feel frayd, wen dehn noh ga notn fi frayd fa.”
^ Er “skyata di boan dehn a dehn wan weh di atak yu.”
