Saam 54:1-7
-
Sohnbadi weh deh monks dehn enimiz pray fi help
-
“Gaad da di wan weh help mi” (4)
-
Wahn noat fi di dairekta: Perfaam dis sang wid di inschrument dehn weh ga schring. Maskil.* Dayvid sing dis sang afta di man dehn fahn Zif gaahn tu Saal ahn tel ahn: “Dayvid di haid monks wi.”
54 Oa Gaad, sayv mi bikaaz a evriting weh yu naym stan fa.
Ahn yooz yu powa fi difen mi.
2 Oa Gaad, hyaa mi pryaa;Pleez pay atenshan tu weh Ah di seh.
3 Bikaaz peepl weh Ah noh noa kohn fi atak mi,Ahn peepl weh kruwil di chrai kil mi.*
Dehn noh kay bowt yu ataal, Oa Gaad. (Seela)
4 Gaad da di wan weh help mi;Jehoava deh wid dehn wan weh di sopoat mi.
5 Hihn wahn pay bak mi enimi dehn wid dehn oan wikidnis;Dischrai* dehn bikaaz yu faytful tu mee.
6 Ah aafa op sakrifais tu yoo bikaaz dat da weh Ah waahn du.
Ah wahn prayz yu naym, Oa Jehoava, bikaaz yu naym gud.
7 Yu sayv mi fahn aala mi chroblz;Ah wahn luk pahn mi enimi dehn wen dehn looz di vikchri.