Saam 59:1-17
Wahn noat fi di dairekta: Play dis sang tu di choon a “Noh dischrai mi.” Dis da Dayvid sang. Miktam.* Dis da wen Saal sen peepl fi wach Dayvid* hows soh dat dehn ku kil ahn.
59 Oa mi Gaad, reskyu mi fahn mi enimi dehn;Protek mi fahn dehn wan weh di kohn fait gens mi.
2 Reskyu mi fahn peepl weh du tingz weh wikid,Ahn sayv mi fahn peepl weh vailent.*
3 Luk how dehn di laywayt mi;Sohn schrang man di atak mi,Oa Jehoava, dat hapm eevn doa Ah noh ribel er sin.
4 Wen Ah kaal pahn yu fi help,Pleez kohn si how eevn doa Ah noh du notn rang, dehn di hori fi atak mi.
5 Yoo, Oa Jehoava, da di Komanda a di hevnli aamiz,Ahn yoo da Izrel Gaad.
Pleez get op ahn help mi ahn si evriting weh aala di nayshan dehn di du.
Noh shoa mersi tu dehn wan weh da chraytaz. (Seela)
6 Dehn kom bak evri eevnin;Dehn growl* laik daag ahn hont bowt eena di siti.
7 Luk pahn weh kom owta dehn mowt;Dehn werdz* da laik sohn soad,Bikaaz dehn seh: “Hoo wuda noa weh wi seh?”
8 Bot yoo, Oa Jehoava, wahn laaf aata dehn;Yoo wahn mek fon a aala di nayshan dehn.
9 Yoo da mai schrent, Oa Gaad, Ah wahn luk tu yoo fi help;Bikaaz yoo da mai sayf shelta.
10 Di Gaad weh shoa mi lov* wahn kohn help mi,An ih wahn help mi ga vikchri oava mi enimi dehn.
11 Noh kil dehn, soh dat mi peepl noh ferget weh yu du.
Yooz yu powa fi mek dehn wanda bowt;Oa Jehoava, wi sheel, mek dehn geh dischrai.
12 Sayka weh dehn sin wid di tingz weh dehn sehAhn dehn lai wid dehn mowt,Mek dehn geh kech eena wahn chrap sayka dehn praid,Bikaaz dehn kers* ahn chrik adaz.
13 Dischrai dehn eena yu grayt anga;Kompleetli dischrai dehn til non a dehn lef;Mek dehn noa dat yoo, Oa Gaad, di rool oava Jaykob disendant dehnAhn di hoal ert. (Seela)
14 Mek dehn kom bak eena di eevnin;Mek dehn growl* laik daag ahn hont bowt eena di siti.
15 Mek dehn wanda bowt di luk fi sohnting fi eet;Noh mek dehn geh ful er fain wahn plays fi sleep.
16 Bot Ai wahn sing bowt yu schrent;An eena di maanin Ah wahn hapi fi tel evribadi bowt di lov weh yoo shoa.
Bikaaz yoo da mai sayf shelta,Ahn da yoo Ah ron tu wen Ah ga chroblz.
17 Ai wahn sing prayz tu* yoo, di wan weh gi mi schrent,Bikaaz yoo, Oa Gaad, da mai sayf shelta, yoo da di wan weh shoa mi lov.*
Futnoat
^ Si di Glasari, “Miktam.”
^ Lit., “di.”
^ Er “weh tersti fi blod.”
^ Er “baak.”
^ Lit., “lip.”
^ Er “laayal lov.” Si di Glasari, “Laayal lov.”
^ Si di Glasari, “Kers.”
^ Er “baak.”
^ Er “mek myoozik fi.”
^ Er “laayal lov.”
