Saam 63:1-11
Dis da Dayvid sang. Hihn rait dis wen hihn mi deh eena di wildanes* da Jooda.
63 Oa Gaad, yoo da mai Gaad, Ah kip di saach fi yu.
Ah need yoo di sayhn way how wahn tersti man need waata.
Ah deh eena dis jrai lan weh noh ga no waata.
Mai badi week bikaaz Ah reeli need yu.
2 Ah si yu schrent ahn yu gloariWen Ah mi si yu eena di hoali plays.
3 Mai mowt wahn prayz yuBikaaz di lov* weh yoo shoa beta dan laif.
4 Dat da wai Ah wahn prayz yoo aala mi laif;Ah wahn rayz mi han dehn ahn kaal pahn yu naym.
5 Ah* satisfai bikaaz yu gi mi di bes ahn naisis tingz.
Ah wahn sing ahn yooz mi mowt fi prayz yu.
6 Ah tink bowt yoo wen Ah lidong pahn mi bed;Ah meditayt bowt yoo aal chroo di nait.
7 Bikaaz yoo da mai helpa,An Ah sing wid jai eena di shado anda yu wing dehn.
8 Ah stik tu yu;Yu hoal aan tait tu mi wid yu rait han.
9 Bot dehn wan weh di chrai fi kil miWahn bee di sayhn wan dehn weh en op eena di grayv.
10 Dehn wahn geh kil wid di soad;Dehn wahn bee food fi di faks* dehn.
11 Bot di king wahn rijais sayka ih Gaad.
Evribadi weh swayr eena fi Hihn naym wahn prayz ahn,Bikaaz Hihn wahn shet op dehn wan weh laik tel lai.
Futnoat
^ Si di Glasari, “Wildanes.”
^ Er “laayal lov.” Si di Glasari, “Laayal lov.”
^ Er “Mi soal.” Si di Glasari, “Soal.”
^ Lit., “jakal.” Dis da wahn animal weh luk laik wahn faks.
