Saam 67:1-7
Wahn noat fi di dairekta: Perfaam dis sang wid di inschrument dehn weh ga schring. Dis da wahn sang.
67 Gaad wahn shoa wi kainis ahn bles wi;Hihn wahn mek ih fays shain pahn wi (Seela)
2 Soh dat evribadi fahn aal oava di ert ku noa bowt di tingz weh hihn du.
Yes, soh dat aala di nayshan dehn ku noa dat hihn da di Sayvya.
3 Oa Gaad, mek di peepl dehn prayz yu;Mek aala di peepl prayz yu.
4 Mek di nayshan dehn rijais ahn showt wid lata jai,Bikaaz yoo wahn joj di peepl dehn eena wahn fyaa way.
Yoo wahn rool oava aala di nayshan dehn pahn di ert. (Seela)
5 Oa Gaad, mek di peepl dehn prayz yu;Mek aala di peepl prayz yu.
6 Di ert wahn projoos food;Gaad, fi wee Gaad, wahn bles wi.
7 Gaad wahn bles wi,An evribadi fahn aal oava di ert wahn aana* hihn.
Futnoat
^ Lit., “fyaa.”
