Saam 75:1-10
-
Gaad da wahn fyaa joj
-
Wikid peepl wahn jrink fahn Gaad kop (8)
-
Wahn noat fi di dairekta: Play dis sang tu di choon a “Noh dischrai mi.” Dis da Aysaf sang.
75 Wi tank* yu, Oa Gaad, yes, wi tank* yu;Yu naym deh kloas tu wi,Ahn peepl taak bowt aal di wandaful tingz weh yu du.
2 Yu seh: “Afta Ah set wahn taim fi joj,Ah joj eena wahn fyaa way.
3 Wen di ert an evribadi weh liv pan it mi staat tu chrimbl,Da mee da-mi di wan weh mi-di kip di kolom dehn schrang.” (Seela)
4 Ah tel di wan weh laik boas, “Noh di boas,”An Ah tel di wikid wan, “Noh di boas bowt yu schrent.*
5 Noh di boas soh moch bowt yu schrent,*Er di ak prowd.
6 Wahn man aana noh kohn fahn no way pahn di ert,Noh fahn di ees er fahn di wes er fahn di sowt.
7 Bikaaz Gaad da Joj.
Hihn disaid hoo hihn wahn bring dong ahn hoo hihn wahn aana.
8 Bikaaz dehn ga wahn kop eena Jehoava han;Wahn kop weh ful op a wain weh miks wid spais ahn weh di foam op.
Hihn wahn poar it owt,An aal di wikid peepl pahn di ert wahn jrink it dong,Rait dong tu di lee shish.”
9 Bot az fi mee, Ah wahn taak bowt yu fareva;Ah wahn sing prayz tu* Jaykob Gaad.
10 Bikaaz hihn seh: “Ah wahn tek weh di wikid peepl dehn schrent,*Bot Ah wahn mek peepl si how schrang dehn wan weh raichos.”
Futnoat
^ Er “gi tanks tu.”
^ Er “gi tanks tu.”
^ Lit., “haan.”
^ Lit., “haan.”
^ Er “mek myoozik fi.”
^ Lit., “haan.”
