Saam 76:1-12
Wahn noat fi di dairekta: Perfaam dis sang wid di inschrument dehn weh ga schring. Dis da Aysaf sang.
76 Aal di peepl da Jooda noa Gaad,Evribadi da Izrel noa ih naym.
2 Saylem da wehpaat fi hihn shelta deh,Ahn Zaiyan da wehpaat hihn liv.
3 Rait deh ih brok di aro weh di bon wid faiya,Lang wid di sheel, di soad, an eni ada wepan weh dehn yooz fi waar. (Seela)
4 Oa Gaad, wahn brait lait sorong yu;Yoo eevn moa wandaful dan di mongtin dehn weh ful op a wail animal.
5 Dehn tek weh di tingz weh bilangz tu di man dehn weh mi ga korij,Di wariya dehn kudn sayv dehnself;Aala dehn ded.
6 Yoo hoo da Jaykob Gaad,Yu showt ahn di haas lang wid di man weh deh eena di chariyat jrap dong ded.
7 Di tingz weh yoo du mek peepl ga lata rispek fi yu.
Hoo ku bayr op wen yoo beks bad?
8 Yoo joj yu enimi dehn fahn eena hevn;Di peepl dehn pahn di ert geh fraitn ahn stay kwaiyet
9 Wail yoo di get op fi ponish di wikid,Soh dat yu ku sayv di hombl wanz weh deh pahn di ert. (Seela)
10 Wen peepl geh beks, da wahn chaans fi mek yoo geh prayz,An eevn wen peepl stil beks, da wahn chaans fi mek yoo geh aana.
11 Weneva yu mek wahn pramis tu yu Gaad Jehoava, kip it.
Mek dehn wan weh deh rong ahn ga rispek* wen dehn di bring dehn gif tu hihn.
12 Hihn wahn foas di prowd leeda dehn fi hombl dehnself;Aala di king dehn pahn di ert frayd far ahn.
Futnoat
^ Lit., “fyaa.”
