Saam 81:1-16
Wahn noat fi di dairekta: Yooz di Gitit* choon fi sing dis sang. Dis da Aysaf sang.
81 Showt owt wid jai tu Gaad, hoo da fi wee schrent.
Selibrayt di vikchri ahn prayz Jaykob Gaad.
2 Staat di myoozik ahn play di tambareen.
Mek wahn byootiful song wid di haap, lang wid di ada inschrument dehn weh ga schring.
3 Bloa di haan da di biginin a di mont,*Ahn pahn di ful moon, pahn di day weh wi selibrayt wi festival.
4 Dat da weh Jaykob Gaad koman Izrel fi du.
5 Hihn gi da koman fi rimain Joazef disendant dehn a di taimWen Hihn mi gaahn atak Eejip.
An Ah hyaa wahn vais weh Ah neva rekonaiz seh:*
6 “Ah tek di load fahn aafa unu shoalda;Ah tek di baaskit* fahn owta unu han dehn.
7 Wen unu mi-di sofa, unu hala fi help, an Ah kohn sayv unu;Ah ansa unu fahn owta di tik, daak klowd.
Ah tes unu da di waata weh floa da Meriba.* (Seela)
8 Mi peepl, lisn tu mi an Ah wahn giv unu karekshan.
Oa Izrel, if onli unu wuda lisn tu mi.
9 Unu noh fi ga no faals gaad monks unu,An unu noh fi bow dong tu no faals gaad fahn wahn farin lan.
10 Ai, Jehoava, da unu Gaad;Ai da di wan weh bring unu fahn owta Eejip.
Oapm unu mowt, an Ah wahn feed unu til unu geh ful.
11 Bot mi peepl dehn neva waahn lisn tu mi;Izrel neva waahn serv mi.
12 Soh Ah lef dehn fi kantinyu bee stobant;Dehn mi du weh dehn tink da di rait ting fi du.
13 If onli mi peepl wuda lisn tu mi,If onli Izrel wuda liv di way Ah waahn dehn liv.
14 Den kwik-wan Ah wuda kanka dehn enimi dehn;Ah wuda ponish dehn wan weh deh gens dehn.
15 Wen dehn wan weh hayt Jehoava kohn fronta hihn, dehn chrimbl bikaaz dehn frayd,Ahn dehn en wahn bee fareva.
16 Bot hihn wahn feed unu di bes weet,Ahn hihn wahn giv unu lata honi fahn di rak.”
Futnoat
^ Si di Glasari, “Gitit.”
^ Er “pahn di nyoo moon.”
^ Er “wahn langwij weh Ah neva rekonaiz.”
^ Ih seemz dat dis di rifaa tu di baaskit weh wahn slayv wuda yooz fi bak kanschrokshan mateeryalz.
^ Dis naym meenz “Fi Kwaaril.”
