Saam 82:1-8
Dis da Aysaf sang.
82 Gaad stayshan ihself monks di gaadzAhn fahn monks di gaadz,* hihn paas jojment; ih seh:
2 “How lang unu wahn joj eena wahn way weh noh fyaaAhn shoa fayvritizm tu di wikid wan dehn? (Seela)
3 Difen dehn wan weh adaz noh tink impoatant ahn dehn wan weh noh ga no pa.
Gi jostis tu dehn wan weh poa ahn dehn wan weh kyaahn difen dehnself.
4 Reskyu dehn wan weh poa ahn dehn wan weh adaz noh tink impoatant;Sayv dehn fahn di wikid wan dehn.”
5 Dehn* noh noa notn ner andastan notn;Dehn di waak bowt eena daaknis;No jostis deh ahn nobadi ga rispek fi di laa dehn.
6 “Ai, hoo da di Moas Hai, seh, ‘Unu da gaadz,*An aala unu da mai son dehn.
7 Bot jos laik eni ada man, unu wahn ded tu;An unu wahn ded jos laik eni ada roola!’”
8 Oa Gaad, pleez get op ahn joj di peepl pahn di ert,Bikaaz aala di nayshan dehn bilangz tu yoo.
Futnoat
^ Er “dehn wan weh da laik gaadz.” Ih seemz dat dis di rifaa tu di hyooman joj dehn eena Izrel.
^ Dis di rifaa tu “di gaadz” eena vers 1.
^ Er “da laik gaadz.”
