Saam 84:1-12
Wahn noat fi di dairekta: Yooz di Gitit* choon fi sing dis sang. Dis da Koara disendant dehn sang.
84 Oa Jehoava, di Komanda a di hevnli aamiz,Fi yoo grayt tabernakl* soh preshos tu mee!
2 Mi soal* ga wahn schrang dizaiyaFi deh eena yu koatyaad, Oa Jehoava;Yes, Ah di pain weh anaal.
Ah showt wid jai tu di livin Gaad wid aala mi haat an aala mi schrent.
3 Oa Jehoava, di Komanda a di hevnli aamiz, mi King ahn mi Gaad!
Eevn di berd dehn tek it az dehn hoamAhn di swalo bil wahn nes fi ihselfKloas tu yu grayt alta,Ahn dat da wehpaat shee tek kayr a ih baybi dehn.
4 Enibadi weh deh eena yu hows wahn bee hapi!
Dehn wahn kantinyu fi prayz yoo. (Seela)
5 Enibadi weh geh dehn schrent fahn yu wahn bee hapi.
An enibadi weh ga di schrang dizaiya fi waak pahn di road weh leed tu yu hows wahn bee hapi.
6 Wen dehn paas chroo di Bayka Vali,*Dehn see’t az wahn plays weh ga lata waata spring;Ahn di erli rayn poar wahn lata blesinz pan it.*
7 Az dehn waak dong di road, dehn geh schranga ahn schranga;Eech wan a dehn stan op fronta Gaad da Zaiyan.
8 Oa Jehoava, di Komanda a di hevnli aamiz, pleez hyaa mi pryaa;Jaykob Gaad, pleez lisn tu mi. (Seela)
9 Wi Gaad, yoo da wi sheel;*Pay atenshan tu yu anointid wan.
10 Bikaaz fi spen jos wan day eena yu koatyaad beta dan fi spen wahn towzn dayz da eni ada plays!
Ai wuda rada stan op da di enchrans a di hows weh bilangz tu mai GaadDan fi liv eena di tent weh bilangz tu wikid peepl.
11 Bikaaz Jehoava da laik di son weh shain pahn wi ahn laik wahn sheel weh protek wi;Hihn shoa kainis ahn giv aana.
Jehoava noh wahn hoal bak eniting weh gudFahn dehn wan weh faytful tu ahn.
12 Oa Jehoava, di Komanda a di hevnli aamiz,Enibadi weh chros eena yoo wahn bee hapi.
Futnoat
^ Si di Glasari, “Gitit.”
^ Si di Glasari, “Tabernakl.”
^ Si di Glasari, “Soal.”
^ Er “di jrai vali wehpaat di bayka bush dehn groa.”
^ Dis ku aalso bee “Ahn di inschrokta rap op ihself wid blesinz.”
^ Dis ku aalso bee “Luk pahn wi sheel, Oa Gaad.”
