Saam 86:1-17
Dayvid pryaa.
86 Pleez bring yu ayz kloas ahn lisn* tu mi, Oa Jehoava, an ansa mi pryaa,Bikaaz Ah di sofa an Ah poa.
2 Protek mi,* kaaz Ah laayal tu yoo.
Sayv mee, yu servant, kaaz Ah put mi chros eena yoo,Bikaaz yoo da mai Gaad.
3 Oa Jehoava, ga mersi pahn mi,Bikaaz Ah kaal owt tu yoo fi help aal day lang.
4 Mek yu servant hapi,Bikaaz Ah pen pahn yoo fi help, Oa Jehoava.
5 Bikaaz yoo, Oa Jehoava, da wahn gud Gaad ahn yu aalwayz redi fi fergiv;Yu ga lata lov* fi dehn wan weh kaal pahn yu.
6 Oa Jehoava, lisn tu mi pryaa,Ahn hyaa how Ah di bayg yu fi help.
7 Da yoo Ah kaal pan wen Ah di sofa,Bikaaz yoo wahn ansa mi.
8 Dehn noh ga no gaad weh ku kompyaa tu yoo, Oa Jehoava;Nobadi du di tingz weh yoo du.
9 Aala di nayshanz weh yu mekWahn kohn ahn bow dong fronta yoo, Oa Jehoava,Ahn dehn wahn prayz yu naym.
10 Bikaaz yu powaful ahn du wandaful tingz;Yoo da di onli chroo Gaad.
11 Oa Jehoava, teech mi how yu waahn Ah liv.
Ah wahn liv eena di way weh yoo seh rait.
Help mi fi rispek yu naym wid mi hoal haat.
12 Oa Jehoava mi Gaad, Ah prayz yu wid aala mi haat,An Ah wahn aana yu naym fareva,
13 Bikaaz yu lov mi wahn lat,*Ahn yu sayv mi* wen Ah nayli gaahn dong eena di Grayv.*
14 Oa Gaad, prowd ahn faysi peepl waahn fait gens mi;Wahn groop a kruwil man chrai fi kil mi,*Ahn dehn noh ga no kaina rispek fi yoo.
15 Bot yoo, Oa Jehoava, da wahn Gaad weh shoa lata mersi ahn weh ga kompashan;Yu noh eezi fi geh beks, yu shoa wahn lata lov,* ahn yu laayal.*
16 Pay atenshan tu mi ahn ga mersi pahn mi.
Schrentn mee, yu servant,Ahn sayv mi kaaz Ah serv yoo, jos laik weh mi ma mi du.
17 Mek dehn wan weh hayt mi si humoch yu lov mi;Mek dehn luk shaym,Bikaaz yoo help mi ahn yoo komfert mi, Oa Jehoava.
Futnoat
^ Er “Pleez ben dong ahn lisn.”
^ Er “mi soal.” Si di Glasari, “Soal.”
^ Er “Yu shoa laayal lov.” Si di Glasari, “Laayal lov.”
^ Er “yu shoa mi lata laayal lov.”
^ Er “mi soal.”
^ Er “Sheeyol,” weh da di Grayv. Si di Glasari, “Grayv.”
^ Er “mi soal.”
^ Er “lata laayal lov.”
^ Er “ahn yu aalwayz tel di chroot.”
