Saam 9:1-20
Wahn noat fi di dairekta: Yooz di Mot-laben* choon fi sing dis sang. Dis da Dayvid sang.
א [Aleph]*
9 Oa Jehoava, Ah wahn prayz yu wid aala mi haat;Ah wahn taak bowt aala di wandaful tingz weh yu du.
2 Ah wahn rijais ahn feel lata jai sayka yoo;Ah wahn mek myoozik fi prayz yu naym, Oa Moas Hai Gaad.
ב [Beth]
3 Wen mi enimi dehn ron weh,Dehn wahn jrap dong ahn ded rait fronta yu.
4 Yoo difen mi ahn gi mi jostis;Yu sidong pahn yu chroan ahn joj wid raichosnis.
ג [Gimel]
5 Yu skoal op di nayshan dehn, ahn yu dischrai di wikid peepl,Soh dat nobadi noh wahn rimemba dehn naym nohmoh.
6 Di enimi geh dischrai fareva;Yoo root owt aala dehn siti,Ahn nobadi noh wahn memba dehn nohmoh.
ה [He]
7 Bot Jehoava sidong pan ih chroan fareva;Ih kantinyu fi rool, an ih aalwayz fyaa wen ih joj.
8 Hihn wahn joj di peepl pahn di ert wid raichosnis;Ahn hihn wahn mek fyaa disizhanz wen ih joj di nayshan dehn.
ו [Waw]
9 Jehoava wahn bee wahn sayf shelta* fi di wan dehn weh di sofa,Wahn sayf shelta joorin haad taimz.
10 Di wan dehn weh noa yu naym wahn chros eena yoo;Yoo wahn neva abandan dehn wan weh pen pahn yu, Oa Jehoava.
ז [Zayin]
11 Mek myoozik fi prayz Jehoava, di wan weh di liv da Zaiyan;Mek di peepl noa bowt evriting weh hihn du.
12 Gaad wahn rimemba dehn wan weh di sofa,Ahn hihn wahn tek rivenj pahn dehn wan weh mi kil dehn.
ח [Heth]
13 Ga mersi pahn mi, Oa Jehoava,Luk pahn how dehn wan weh hayt mi di mek Ah sofa.
Yoo da di wan weh pul mi weh fahn di doa weh leed tu det,
14 Soh dat Ah ku anonks di tingz weh yoo dizerv prayz fa da di gayt dehn da Zaiyan,Ahn soh dat Ah ku rijais bikaaz yoo sayv mi.
ט [Teth]
15 Di peepl fahn di nayshan dehn sink eena di hoal weh dehn dig;Dehn oan fut geh kech eena di net weh dehn set az wahn chrap.
16 Yu ku geh fi noa Jehoava bai di way how ih paas jojment.
Di wikid wan dehn geh kech eena di chrap weh dehn set fi hert adaz. (Higayon.* Seela)
י [Yod]
17 Di wikid wan dehn wahn ron weh rait tuwaadz di Grayv,*Dat da weh aala di nayshan dehn weh ferget bowt Gaad gwehn.
18 Gaad noh wahn ferget di wan dehn weh poa;Ahn di hoap weh di hombl wan dehn gat noh wahn bee fi notn.
כ [Kaph]
19 Oa Jehoava, get op! Joj di nayshan dehn.
Ahn noh mek man ga vikchri oava yu.
20 Put fyaa eena dehn, Oa Jehoava,Mek di nayshan dehn noa dat dehn da onli hyooman. (Seela)
Futnoat
^ Si di Glasari, “Mot-laben.”
^ Dis da di fers leta a di Heebroo alfabet. Si di Glasari, “Akrostik stail.”
^ Er “wahn hai mongtin fi ron tu.”
^ Si di Glasari, “Higayon.”
^ Er “Sheeyol,” weh da di Grayv. Si di Glasari, “Grayv.”
