Saam 92:1-15
Dis da wahn sang fi di Sabat day.
92 Da wahn wandaful ting fi gi tanks tu yoo, Moas Hai Gaad, JehoavaAhn fi sing prayz tu* yu naym;
2 Ih wandaful fi prayz yu lov* eena di maaninAhn yu laayalti joorin di nait.
3 Prayz hihn wid di loot,* ahn wahn inschrument weh ga ten schring,Lang wid di byootiful choon fahn wahn haap.
4 Bikaaz yoo mek Ah rijais, Oa Jehoava, sayka di tingz weh yu du;An Ah showt wid jai oava di tingz weh yu mek.
5 Evriting weh yoo du soh amayzin, Oa Jehoava!
Ahn di tingz weh yoo tink bowt soh deep!
6 Wahn persn weh noh ga no sens kuda neva noa dehn;Ahn wahn persn weh foolish kuda neva andastan dis:
7 Eevn doa di wikid sprowt laik graasAhn dehn wan weh du rang luk laik dehn di praspa,Dehn wahn stil geh dischrai.
8 Bot yoo wahn aalwayz bee grayta dan evribadi els, Oa Jehoava.
9 Wach how yu enimi dehn looz di vikchri, Oa Jehoava,Ahn how aala yu enimi dehn wahn geh dischrai;Yoo wahn skyata aala dehn wan weh du rang.
10 Bot yoo wahn mek Ai bee az schrang az wahn wail bul;An Ah wahn rob mi skin wid gud ail.
11 Ah wahn luk pahn mi enimi dehn wen dehn looz di vikchri,An Ah wahn hyaa bowt how di eevl man dehn hoo atak mi geh kanka.
12 Bot di raichos wan dehn wahn praspa laik wahn byootiful paam chree,Ahn dehn wahn groa big ahn schrang laik wahn seeda chree da Lebanon.
13 Dehn da laik wahn chree weh plaant eena Jehoava hows;Dehn praspa eena wi Gaad koatyaad.
14 Eevn wen dehn geh oal* dehn wahn stil di praspa;Dehn wahn stay helti ahn ful a enerji.
15 Dehn wahn anonks dat Jehoava aalwayz du weh rait.
Hihn da mai Rak, an evriting weh hihn du raichos.
Futnoat
^ Er “Ahn fi mek myoozik fi.”
^ Er “laayal lov.” Si di Glasari, “Laayal lov.”
^ Dis da wahn inschrument fahn bak den weh luk aalmoas laik wahn gitaar. Eena Inglish di werd da lute.
^ Er “dehn ga gray hyaa.”
