Saam 93:1-5
93 Jehoava da King!
Hihn jres op eena gloari;Jehoava jres op eena schrent,Ahn hihn wayr it rong ih ways laik wahn belt.
Di ert wahn laas fareva;Yes, notn ku moov it.
2 Yoo set op yu chroan fahn lang taim agoa;Yoo mi aalwayz egzis.
3 Di riva dehn di rosh, Oa Jehoava,Di riva dehn di rosh an ih soh lowd;Di riva dehn di rayz ahn di wayv dehn di krash gens eech ada.
4 Bot yoo, Oa Jehoava, hoo soh amayzin eena hevn,Moa powaful dan di song weh di deep waata mek,Ahn yu moa powaful dan di big wayvz weh krash eena di see.
5 Wi ku chros yu rimaindaz.
Yu hows aalwayz byootiful ahn hoali, Oa Jehoava.