Saam 95:1-11
95 Kohn, mek wi showt wid jai tu Jehoava!
Yes, mek wi showt wid jai tu wi Rak weh sayv wi.
2 Mek wi goh fronta hihn ahn giv ahn tanks;Mek wi sing ahn showt wid jai tu ahn.
3 Bikaaz Jehoava da wahn grayt Gaad.
Hihn da di grayt King ahn hihn haiya dan aala di ada gaadz.
4 Hihn ga kanchroal oava di deepis paat a di ert;Di hai mongtin dehn bilangz tu hihn.
5 Di see bilangz tu hihn bikaaz hihn mek it,An ih yooz ih han fi mek di lan.
6 Kohn, mek wi wership ahn bow dong tu ahn;Mek wi neel dong fronta Jehoava wi Kriyayta.
7 Bikaaz hihn da fi wee Gaad,Ahn wee da fi hihn peepl.
Ih tek kayr a wi laik sheep eena wahn paascha.
If unu wuda onli lisn tudeh tu weh ih mi seh! Hihn mi seh:
8 “Noh bee stobant laik weh mi hapm da Meriba,*Laik weh mi hapm da Masa* eena di wildanes,*
9 Wen yu ansestaz mi tes mi payshens;Dehn mi-di chalenj mi, eevn doa dehn mi don si aal weh Ah mi du.
10 Fi 40 yaaz Ah kudn stan da jenarayshan, an Ah seh:
‘Eena dehn haat, dehn aalwayz ton weh fahn mi,Dehn noh liv di way how Ah waahn deh liv.’
11 Soh wail Ah mi beks, Ah swayr ahn seh:
‘Dehn noh wahn jain mi pahn mi day a res.’”
Futnoat
^ Dis naym meenz “Fi Kwaaril.”
^ Dis naym meenz “Fi Tes; Chraiyal.”
^ Si di Glasari, “Wildanes.”
