Saam 96:1-13
96 Sing wahn nyoo sang fi Jehoava.
Sing tu Jehoava, evribadi pahn di ert!
2 Sing tu Jehoava; prayz ih naym.
Spred di gud nyooz bowt ih salvayshan evri day.
3 Mek aala di nayshan dehn noa bowt ih gloari;Mek aala di peepl dehn noa bowt aal di wandaful tingz weh hihn du.
4 Jehoava grayt, ahn hihn dizerv aala di prayz.
Hihn moa amayzin dan eni ada gaad.
5 Aal di gaadz weh di ada nayshan dehn wership noh gud fi notn,Bot Jehoava da di wan weh mek hevn.
6 Aana ahn gloari sorong ahn;Schrent ahn byooti shain fahn owta ih hoali plays.
7 Aala di chraib fahn di ada nayshan dehn fi prayz Jehoava.
Yes, gi Jehoava di prayz weh hihn dizerv bikaaz a ih gloari ahn schrent.
8 Gi Jehoava di prayz weh ih naym dizerv;Goh eena ih koatyaad ahn bring wahn gif lang wid yu.
9 Wership* Jehoava wail yu wayr yu speshal kloaz weh hoali;*Evribadi pahn di ert mos shoa deep rispek fi hihn.
10 Mek aala di nayshan dehn noa: “Jehoava da King!
Di ert wahn laas fareva; yes, notn ku moov it.
Hihn wahn joj di peepl dehn eena wahn fyaa way.”
11 Mek hevn an ert rijais;Mek di see an evriting eena it showt wid jai.
12 Mek di feel dehn an evriting eena dehn rijais,Ahn sayhn taim mek aala di chree dehn eena di faris showt wid jai fronta hihn,
13 Bikaaz hihn di kohn.
Yes, Jehoava di kohn fi joj di peepl pahn di ert,Ahn hihn wahn joj dehn wid raichosnis ahn faytfulnis.
