Saam 97:1-12
97 Jehoava da King!
Mek di ert rijais.
Mek aala di ailan dehn rijais.
2 Tik, daak klowdz di sorong ahn;Fi hihn chroan bil pahn raichosnis ahn jostis.
3 Faiya di blayz fronta ahnAn dischrai di enimi dehn weh di sorong ahn.
4 Fi hihn laitnin lait op di ert;Di ert chrimbl wen ih see’t.
5 Di mongtin dehn melt fronta Jehoava;Dehn melt laik waks fronta Gaad, hoo da Laad oava di hoal ert.
6 Hevn anonks dat ih raichos,An aala di nayshanz ku si ih gloari.
7 Mek evribadi weh di wership eni imij luk shaym;Mek dehn wan weh boas bowt dehn gud fi notn gaadz luk shaym.
Wership* hihn, aala unu gaadz.
8 Zaiyan hyaa an ih rijais;Jooda tong* dehn soh hapiBikaaz a yu jojment dehn, Oa Jehoava.
9 Bikaaz yoo, Oa Jehoava, da di onli wan hoo da di Moas Hai oava di hoal ert;Yoo faar grayta dan aal ada gaadz.
10 Aala di wan dehn weh lov Jehoava mos hayt eniting weh bad.
Hihn protek ih laayal wan dehn;Hihn sayv dehn fahn di wikid wan.
11 Wahn brait lait shain pahn di raichos wan dehn,Ahn dehn wan wid wahn pyoar haat rijais.
12 Unu weh raichos fi rijais sayka Jehoava,Ahn gi tanks tu ih hoali naym.
