Saam 98:1-9
-
Jehoava gi salvayshan, ahn hihn da wahn raichos Joj
-
Jehoava mek peepl noa dat salvayshan kohn fahn hihn (2, 3)
-
Dis da wahn sang.
98 Sing wahn nyoo sang fi Jehoava,Bikaaz hihn du lata wandaful tingz.
Hihn sayv wi* wid ih hoali rait han.
2 Jehoava mek peepl noa dat salvayshan kohn fahn hihn;Hihn mek di nayshan dehn noa bowt ih raichosnis.
3 Hihn rimemba di pramis weh ih mi mek fi shoa lov* ahn faytfulnis tu di Izrelait dehn.
Peepl fahn evri kaana a di ert si how wi Gaad sayv wi.*
4 Evribadi pahn di ert, unu showt wid jai.
Bee hapi ahn showt wid jai ahn sing prayz tu* Jehoava.
5 Play di haap ahn sing prayz tu* Jehoava.
Yes, prayz ahn wid di haap ahn wahn byootiful sang.
6 Play di chrompit dehn ahn di haanWail yu di showt wid jai fronta Jehoava di King.
7 Mek di see an evriting eena it showt wid jai,Ahn mek di ert an evribadi weh liv pan it showt wid jai.
8 Mek di riva dehn klap dehn han,Ahn mek di mongtin dehn showt wid jai fronta Jehoava,
9 Bikaaz hihn di kohn fi joj di peepl pahn di ert,Ahn hihn wahn joj dehn wid raichosnis ahn faytfulnis.
Futnoat
^ Er “win di vikchri.”
^ Er “laayal lov.” Si di Glasari, “Laayal lov.”
^ Er “si wi Gaad vikchri.”
^ Er “mek myoozik fi.”
^ Er “mek myoozik fi.”
