Saam 99:1-9
99 Jehoava da King.
Mek di peepl dehn shoa rispek far ahn, an mek di ert shayk.
Hihn sidong pan ih chroan oava* di cherob* dehn.
2 Jehoava deh da Zaiyan, ahn hihn shoa dat hihn grayt.
Hihn deh hai oava di peepl dehn.
3 Mek dehn prayz yu grayt naym,Bikaaz ih amayzin ahn hoali.
4 Yoo da wahn maiti king weh lov jostis.
Yoo aalwayz du weh rait.
Yu bring Jaykob disendant dehn jostis ahn raichosnis.
5 Prayz wi Gaad Jehoava ahn wership* ahn fronta ih futstool;Hihn da wahn hoali Gaad.
6 Som a ih prees dehn da-mi Moaziz an Ayron.
Samwel da-mi wan a ih servants weh kaal pan ih naym.
Dehn wuda kaal owt tu Jehoava,Ahn hihn wuda ansa dehn.
7 Hihn wuda taak tu dehn fahn owta di klowd.
Dehn mi lisn tu ih rimaindaz an obay di koman weh ih gi dehn.
8 Oa Jehoava wi Gaad, yu mi ansa dehn wen dehn kaal owt tu yu.
Yoo da-mi wahn Gaad weh fergiv dehn,Bot yu mi ponish dehn fi dehn sinz.
9 Prayz Jehoava wi GaadAhn wership* ahn fronta ih hoali mongtin,Bikaaz Jehoava wi Gaad da wahn hoali Gaad.
Futnoat
^ Dis ku aalso bee “bitween.”
^ Si di Glasari, “Cherob.”
^ Er “bow dong tu.”
^ Er “bow dong tu.”