Yu Tink di Ded Ku Liv Agen?
Yu wuda seh . . .
-
yes?
-
no?
-
maybi?
DI BAIBL ANSA SEH:
“Gaad wahn rayz op” di ded.—Aks 24:15, Di Nyoo Testiment eena Bileez Kriol.
HOW YU WAHN BENIFIT IF YU BILEEV DIS
Yu wahn geh komfert wen sombadi weh yu lov ded.—2 Korintyanz 1:3, 4.
Yu wahn feel free fahn di fyaa a det.—Heebrooz 2:15.
Yu wahn ga di shoar hoap fi get bak tugeda wid yu famili ahn frenz weh ded.—Jan 5:28, 29.
WI KU REELI CHROS WEH DI BAIBL SEH?
Yes, fi at lees chree reezn:
-
Gaad da di Kriyayta a laif. Di Baibl seh dat Jehoava Gaad da di “Wan weh laif kohn fram.” (Psalm 36:9, New World Translation (NW ); Aks 17:24, 25) Soh, if hihn da di Wan weh gi laif tu aal livin ting, den hihn mos ku gi laif bak tu sombadi weh don ded.
-
Gaad mi rezorek peepl eena di paas. Di Baibl tel wi bowt ayt difrent peepl—yong ahn oal, man ahn laydi—weh Gaad bring bak tu laif rait ya pahn di ert. Som a dehn mi ded fi jos wahn lee wail, bot wan a dehn mi deh eena ih toom fi foa dayz!—Jan 11:39-44.
-
Gaad eega fi rezorek peepl agen. Jehoava hayt det; tu hihn da laik wahn enimi. (1 Korintyanz 15:26) Hihn “ga wahn langin” fi dischrai da enimi, fi geh rid a det chroo di rezorekshan. Ih eega fi bring bak aal hoo deh eena fi hihn memri ahn fi si dehn di liv pahn di ert agen.—Job 14:14, 15, NW.
TINK BOWT DIS
Yu Mait Aalso Laik
ESSENTIAL BIBLE TEACHINGS
Wat Da di Kandishan a di Ded?
Di Baibl pramis dat Gaad wahn rezorek lata peepl fahn di ded, jos laik how ih mi rayz op bak Lazaros.
LAAN BOWT WI
Wai Stodi di Baibl?
Fi milyanz a peepl aal oava di werl, di Baibl di ansa di moas impoatant kweschan dehn eena laif. Yoo wuda waahn bee wan a dehn peepl deh?
