Weh Yu Need fi Mek Yu Famili Liv Hapi?
Yu tink yu need fi ga . . .
-
lov?
-
moni?
-
er sohnting els?
DI BAIBL ANSA SEH:
Gaad wahn bles “dehn wan weh yehr di Werd a Gaad ahn du weh ih seh!”—Look 11:28, Di Nyoo Testiment eena Bileez Kriol.
HOW YU WAHN BENIFIT IF YU BILEEV DIS
Yu wahn fain chroo chroo lov.—Ifeezhanz 5:28, 29.
Yu wahn ga reel rispek fi wan anada. —Ifeezhanz 5:33.
Yu wahn ku aalwayz chros wan anada.—Maak 10:6-9.
WI KU REELI CHROS WEH DI BAIBL SEH?
Yes, fi at lees too reezn:
-
Da Gaad mek di famili. Di Baibl seh dat Gaad “da di Wan weh gi evri famili . . . dehn chroo naym.” (Ifeezhanz 3:14, 15) Soh den, di famili onli egzis bikaaz da Jehoava mek it. Wai dat soh impoatant fi mek wi andastan?
Kansida dis: If yu mi-di injai wahn nais playt a food, ahn yu waahn noa weh deh een deh, hoo yu wuda aks? Wel, yu wuda aks di wan weh mek it, noh chroo?
Sayhn way, fi fain owt weh yu need fi du fi mek yu famili liv hapi, yu shuda aks Jehoava, di wan weh mek di famili.—Machyu 19:4-6.
-
Gaad kyaa bowt yu. Bikaaz ‘Gaad kyaa bowt wi,’ ih gi wi gaidans eena fi hihn Werd, di Baibl. Soh ih impoatant fi mek wi fala weh ih seh. (1 Peeta 5:6, 7) Jehoava aalwayz waahn di bes fi wi—ahn fi hihn advais wahn aalwayz werk!—Jaymz 1:5, 17, 25.
TINK BOWT DIS
How yu kud bee wahn gud hozban, wahn gud waif, er wahn gud ma er pa?
Di Baibl gi wi di ansa da IFEEZHANZ 5:1, 2 ahn KOLOASHANZ 3:18-21.
Yu Mait Aalso Laik
AWAYK!
Wizdom Weh Ku Help Wi Ga Wahn Hapi Famili
Weh wahn hozban, wahn waif, payrents, ahn chiljren ku du fi injai wahn hapi famili?
LAAN BOWT WI
Wai Stodi di Baibl?
Fi milyanz a peepl aal oava di werl, di Baibl di ansa di moas impoatant kweschan dehn eena laif. Yoo wuda waahn bee wan a dehn peepl deh?
LAAN BOWT WI
Aks fi Mek Sohnbadi Vizit Yu
Diskos wahn Baibl kweschan, er laan moa bowt Jehoava Witnisiz.
