Di Picha Dehn Eena Dis Buk
Ahn Dehn Payj Nomba
Di pichaz pahn di front ahn bak kova Paal, Tabita, Galyo, Look, wahn templ aafisa wid di apasl dehn, wahn Sadyusee, sohn soaljaz di kehr Paal tu Seezareeya, ahn Witnisiz di preech eena fi wee taim di yooz wahn foanograaf ahn wahn song kaar.
Payj 1 Paal deh chayn op, ahn Look deh wid ahn az dehn di chravl tu Roam pahn wahn kaargo ship.
Payj 2, 3 Brada J. E. Barr ahn Brada T. Jaracz fahn di Govanin Badi deh fronta wahn map a di werl.
Payj 11 Pahn wahn mongtin da Gyalilee, Jeezas di gi ih 11 apasl dehn an ih ada faytful falowaz wahn impoatant werk fi du.
Payj 14 Jeezas apasl dehn di gayz eena di skai az hihn di goh op da hevn.
Payj 20 Da Pentikaas, di disaipl dehn mi staat tu taak tu peepl eena dehn oan langwij. Di peepl dehn mi-di vizit fahn difrent konchri.
Payj 36 Di apasl dehn di stan op fronta Kaiyafas, hoo mi beks bad. Di templ aafisa dehn di wayt fi ares hoosoeva di Jooish Sopreem Koat seh fi ares.
Payj 44 Di picha da di batam a di payj: Afta Werl Waar II, wahn koat da Germany mi chaaj sohn Witnisiz fahn di United States kaaz dehn seh dat dehn da-mi spaiz, eevn doa dat da neva chroo.—Di Neue Berliner Illustrierte magazeen, Aktoaba 3, 1950.
Payj 46 Steeven di stan op fronta di Jooish Sopreem Koat az dehn di akyooz ahn a difrent tingz. Di rich Sadyusee dehn deh da bak, ahn di Farisee dehn deh da front.
Payj 54 Peeta di lay ih han pahn wahn nyoo disaipl fi heel ahn; Saiman deh bihain ahn an ih di hoal ih lee moni bag.
Payj 75 Peeta an ih frenz weh mi-di chravl wid ahn di goh eena Kerneelyos hows. Di way Kerneelyos mi jres mek wi noa dat hihn da-mi wahn big taim Roaman aafisa weh mi rispansabl fi wahn groop a wahn 100 soaljaz.
Payj 83 Wahn aynjel di shoa Peeta weh fi goh; ih ku bee dat Peeta mi geh lak op da di Towa a Antoanya.
Payj 84 Di picha da di batam a di payj: Eena 1945 kloas tu Montreal, Quebec wahn groop a peepl weh mi beks wid di bradaz mi waahn hert dehn.—Di Weekend Magazine, Joolai 1956.
Payj 91 Dehn kik owt Paal ahn Baarnabas fan owta Antiyak weh deh da Pisidya. Da bak yu ku si sohnting weh luk laik wahn brij weh dehn yooz fi mek waata floa tu di siti. Ih ku bee dat joorin di fers senchri C.E dis mi geh bil.
Payj 94 Paal ahn Baarnabas mi stap di peepl fahn Lischra fahn wership dehn. Wen di peepl fahn Lischra mi mek sakrifaisiz eena poblik, ih mi kaman fi mek dehn ga lata nais ahn myoozik.
Payj 100 Di picha da di tap a di payj: Sailas ahn Joodas di inkorij di kangrigayshan da Antiyak weh deh da Siriya. (Aks 15:30-32) Di picha da di batam a di payj: Da Uganda, wahn serkit oavaseeya di inkorij wahn kangrigayshan.
Payj 107 Di kangrigayshan da Jeroosalem di meet da sohnbadi hows.
Payj 124 Di picha di shoa how Paal ahn Timoti mi chravl pahn wahn Roaman kaargo ship. Way da bak yu ku si wahn laithows.
Payj 139 Paal ahn Sailas di chrai haid eena wahn koatyaad fi get weh fahn wahn set a beks peepl.
Payj 155 Galyo di tel di peepl bowt dehnself bikaaz dehn mi-di akyooz Paal a sohnting weh ih neva du. Di way Galyo mi jres mek wi noa dat ih mi ga wahn hai pozishan: hihn di wayr wahn wait toga weh da laik wahn klaat weh deh rap rong ahn, an di ej a it mi perpl. Ahn hihn mi gat aan wahn shooz weh naym calcei.
Payj 158 Da Efisos, Dimeechriyos di taak tu sohn werkaz weh mek tingz owta silva. Dehn yoostu mek sohn smaal lee templ owta silva, weh mi luk jos laik di templ a di gaad Artimis ahn dehn sel it tu di peepl.
Payj 171 Paal an ih frenz di get aan pahn wahn ship. Eena di bak, wi ku si wahn big stachu weh dehn mi bil eena di fers senchri B.C.E.
Payj 180 Di picha da di batam a di payj: Eena di 1940’s dehn neva waahn di bradaz bring een lichricha eena Canada. Di picha di shoa how di bradaz da Canada yoostu bring een lichricha. Wahn yong lee brada di smogl een lichricha eena di konchri.
Payj 182 Paal di lisn ahn goh lang wid weh di eldaz aks ahn fi du. Ahn da bak yu ku si Look ahn Timoti di sidong. Di too a dehn mi help Paal bring di kanchribyooshanz.
Payj 190 Paal nefyu di taak tu Klaadiyos Lisiyas da di Towa a Antoanya. Ih ku bee dat Paal mi geh lak op rait deh. Da bak yu ku si Herod templ.
Payj 206 Paal di pray fi di peepl dehn weh deh wid ahn da di batam a wahn kaargo ship. Di peepl dehn luk taiyad bad.
Payj 222 Paal deh da Roam pahn wahn opstayz varanda, an ih chayn op tu wahn soalja. Dehn di luk owt pahn di siti.
