LESN 06
How Laif Mi Staat?
“[Gaad] da di wan weh laif kohn fram.” (Psalm 36:9) Yu tink dat da chroo? Sohn peepl tink dat laif jos apyaa pan ih oan owta no way. If dat da chroo, den laif noh ga no perpos. Bot if da Jehoava kriyayt laif, den dat meenz dat laif ga wahn perpos, noh chroo? a Kansida weh di Baibl seh bowt how laif mi staat, ahn wai wi ku bileev weh di Baibl seh da chroo.
1. How di yoonivers kohn fi egzis?
Di Baibl seh: “Eena di biginin Gaad mek di hevn ahn di ert.” (Genesis 1:1) Lata saiyentis tudeh agree dat di yoonivers mi ga wahn biginin. How Gaad mi kriyayt it? Hihn mi yooz fi hihn “aktiv foas”—di hoali spirit—fi mek evriting eena di yoonivers, inkloodin di galaksi dehn, di staar dehn, ahn di planet dehn.—Genesis 1:2.
2. Wai Gaad mi mek di ert?
Jehoava “neva mek [di ert] fi notn, bot fi mek peepl liv pan.” (Isaiah 45:18) Hihn mi mek di ert fi bee wahn komfatabl plays weh hyoomanz ku liv pahn fareva. (Reed Isaiah 40:28; 42:5.) Saiyens tel wi dat di ert speshal ahn dat ih difrent fahn di ada planet dehn. Di ert da di onli planet weh gat evriting weh hyoomanz need fi liv.
3. Weh mek hyoomanz difrent fahn di animal dehn?
Afta Jehoava mi mek di ert, hihn mi kriyayt laif pan it. Fers, hihn mi kriyayt di plaant ahn di animal dehn. Den, “Gaad gaan aan fi kriyayt man laik ihself.” (Reed Genesis 1:27.) Weh mek hyoomanz difrent? Sins Gaad kriyayt wi eena fi hihn imij, wee ku kapi fi hihn kwalitiz, ahn shoa lov ahn jostis jos laik hihn. Hihn mi aalso kriyayt wi wid di abiliti fi laan ada langwij, fi apreeshiayt di byootiful tingz weh wi si, ahn fi injai myoozik. Az hyoomanz wee ku wership wi Kriyayta, ahn dat da sohnting weh animalz kyaahn du.
SAACH FI MOA
Fain owt di evidens weh proov dat dehn mi kriyayt laif, ahn dat weh di Baibl seh da chroo. Mek wi si weh di kwalitiz weh hyoomanz gat teech wi bowt Gaad.
4. Sohnbadi mi dizain laif
Hyoomanz geh di prayz wen dehn dizain tingz weh dehn kapi fahn naycha. Soh hoo shuda geh di prayz fi di orijinal dizain? Play di VEEDYO, ahn den diskos di kweschan.
-
Weh hyoomanz weh dizain tingz kapi fahn naycha?
Evri hows ga sohnbadi weh dizain ahn bil it. Bot da hoo dizain ahn bil di tingz eena naycha? Reed Heebrooz 3:4, ahn den diskos dehnya kweschan:
-
Weh yoo laik bowt di dizain dehn eena naycha?
-
Wai yoo tink ih mek sens fi bileev dat di yoonivers an evriting eena it mi geh dizain?
Yu mi noa?
Yu ku fain difrent aatikl ahn veedyo bowt dis tapik pahn jw.org eena di seeriz “Proof Dat Sombadi Dizain It” ahn “Weh Sohn Peepl Seh Bowt How Laif Mi Fos Staat.”
“Af koars, evri hows ga sombadi weh bil it, bot Gaad da di wan weh mek evriting”
5. Wi ku bileev di Baibl akonk bowt kriyayshan
Eena Genesis chapta 1, di Baibl seh how dehn mi kriyayt di ert ahn how laif mi staat. Yu tink wi ku chros weh da akonk seh, er da jos wahn mek op stoari? Play di VEEDYO, ahn den diskos di kweschan.
-
Di Baibl seh dat dehn mi kriyayt di ert ahn laif pan it eena siks dayz. Yu tink dehnya da-mi dayz weh gat een 24 owaz?
-
Yu tink ih mek sens fi bileev di Baibl akonk bowt kriyayshan? Wai, er wai nat?
Reed Genesis 1:1, ahn den diskos dis kweschan:
-
Lata saiyentis seh dat di yoonivers mi ga wahn biginin. How weh dehn seh kompyaa wid weh yu jos reed eena di Baibl?
Sohn peepl wanda if Gaad mi yooz evolooshan fi kriyayt laif. Reed Genesis 1:21, 25, 27, ahn den diskos dehnya kweschan:
-
Yu tink di Baibl teech wi dat Gaad mi yooz evolooshan fi kriyayt hyoomanz an animalz? Er ih teech wi dat da hihn ihself kriyayt evriting “akaadn tu dehn kain”? b
6. Gaad kriyayt hyoomanz eena wahn speshal way
Jehoava mi kriyayt wi difrent fahn di animal dehn. Reed Genesis 1:26, ahn den diskos dis kweschan:
-
Bikaaz Gaad kriyayt wi eena fi hihn imij, wi ku shoa lov ahn kompashan jos laik hihn. Weh dis teech yoo bowt Gaad persnaliti?
WEH YU WUDA SEH IF SOHNBADI TEL YU: “Di Baibl akonk bowt kriyayshan da jos wahn mek op stoari.”
-
Wai yu wuda seh dat?
WEH WI LAAN?
Jehoava mi kriyayt di yoonivers an evriting eena it.
Mek Wi Rivyoo:
-
Weh di Baibl teech wi bowt how di yoonivers mi staat tu egzis?
-
Yu tink Gaad mi yooz evolooshan eena kriyayshan er hihn ihself mi kriyayt evriting?
-
Weh mek hyoomanz difrent fan aal ada kriyayshan?
FAIN OWT MOA
Fain owt how naycha proov dat wi ga wahn Kriyayta.
Si how payrents ku eksplayn di Baibl akonk bowt kriyayshan tu dehn pikni.
Fain owt weda evolooshan gree wid di Baibl.
“Yu Tink Gaad Mi Yooz Evolooshan fi Kriyayt di Difrent Kaina Plaant ahn Animal Dehn?” (Web aatikl)
Si if aynshent boanz er saiyentifik risaach shoa dat dehn mi kriyayt laif er if ih apyaa pahn ih oan owta no way.
