Jehoava waahn mek yu geh fi noa ahn beta. Wai? Bikaaz hihn noa dat di moa yu laan bowt fi hihn persnaliti, fi hihn wayz, ahn fi hihn perpos, di moa yu wahn waahn bee ih fren. Yu tink ih pasabl fi bee Gaad fren? (Reed Psalm 25:​14.) Weh yu ku du fi bee ih fren? Di Baibl ansa dehndeh kweschanz an ih tel wi wai frenship wid Jehoava da di moas impoatant rilayshanship wi ku eva gat.

1. Weh Jehoava invait yu fi du?

“Kohn kloas tu Gaad, ahn hihn wahn kohn kloas tu [yoo].” (Jaymz 4:8) Weh dis meen? Jehoava di invait yu fi bee ih fren. Som peepl mait fain it haad fi bileev dat dehn ku bee fren wid Gaad bikaaz dehn kyaahn si ahn. Bot eena fi hihn Werd, di Baibl, Jehoava tel wi evriting wi need fi noa bowt ih persnaliti soh dat wi ku jraa kloas tu ahn. Wen wi reed weh hihn tel wi eena di Baibl, wi frenship wahn groa schranga eevn doa wi kyaahn si ahn.

2. Wai Jehoava da di bes Fren yoo ku eva gat?

Nobadi lov yu moa dan how Jehoava lov yu. Hihn waahn mek yu bee hapi ahn mek yu tern tu hihn weneva yu need help. Yu ku “chroa aala [yu] woriz ahn kyaa pahn hihn, bikaaz hihn kay bowt [yu].” (1 Peeta 5:7) Jehoava aalwayz redi fi sopoat, komfert, ahn lisn tu ih frenz.​—Reed Psalm 94:​18, 19.

3. Weh Jehoava ekspek fan ih fren dehn?

Jehoava ga lov fi evribadi, “bot Hihn da kloas fren wid di raichos persn.” (Proverbs 3:​32) Jehoava ekspek ih fren dehn fi chrai du tingz weh gud, ahn fi avoid du tingz weh bad. Som peepl mait feel dat dehn kuda neva liv op tu Jehoava raichos standadz a weh gud ahn bad. Bot, Jehoava mersiful. Hihn aksep enibadi weh reeli lov Hihn ahn du dehn bes fi pleez Hihn.​—Psalm 147:​11; Aks 10:​34, 35.

 SAACH FI MOA

4. Aybraham da-mi Jehoava fren

Di Baibl akonk bowt Aybraham (hoo mi aalso naym Aybram) help wi fi andastan weh ih meen fi bee Gaad fren. Reed bowt Aybraham da Genesis 12:​1-4. Den diskos dehnya kweschan:

• Weh Jehoava mi aks Aybraham fi du?

• Weh Jehoava mi pramis Aybraham?

• Weh Aybraham mi du?

5. Weh Jehoava aks ih fren dehn fi du

Wi yoozhwali ekspek sertn tingz fahn wi fren dehn.

• Weh da sohn tingz weh yu laik yu frenz du fi yu?

Reed 1 Jan 5:3, ahn den diskos dis kweschan:

• Weh Jehoava ekspek fan ih fren dehn?

If wi waahn obay Jehoava, wi mait need fi chaynj wi kandok er wi persnaliti. Reed Isaiah 48:​17, 18, ahn den diskos dis kweschan:

• Wai Jehoava aks ih fren dehn fi mek chaynjiz?

 6. Weh Jehoava du fi ih fren dehn

 WEH WI LAAN?

Jehoava waahn bee yu Fren, ahn hihn wahn help yu fi jraa kloas tu hihn.

Mek Wi Rivyoo:

• How Jehoava help ih fren dehn?

• Wai Jehoava aks ih fren dehn fi mek chaynjiz?

• Yu tink Jehoava ekspek tu moch fan ih fren dehn? Wai, er wai nat?