If Gaad da lov, wai di rilijan dehn weh klaym fi reprizent hihn du wikid tingz? Wel, da bikaaz dehnya rilijan faals. Weh dehn seh ahn du mek peepl bileev aal kaina lai bowt Gaad. How dehn du dat? How Gaad feel bowt dat? Ahn weh hihn wahn du bowt it?

1. How di tingz weh faals rilijan teech mek peepl bileev aal kaina lai bowt Gaad?

Faals rilijan chooz fi bileev ahn teech lai insteda di chroot bowt Gaad. (Roamanz 1:25) Fi egzampl, moas rilijan noh teech dehn falowaz dat Gaad ga wahn naym, bot di Baibl seh dat wi need fi yooz Gaad naym. (Roamanz 10:13, 14) Sohn rilijos leedaz seh dat wen sohnting terabl hapm, da Gaad mek ih hapm. Bot dat da wahn lai, bikaaz Gaad da noh di wan weh mek bad tingz hapm. (Reed Jaymz 1:13.) Sad fi seh, di lai dehn weh rilijos leedaz teech push peepl weh fahn Gaad.

2. How di tingz weh faals rilijan du mek peepl bileev aal kaina lai bowt Gaad?

Faals rilijan noh chreet peepl di way Jehoava chreet dehn. Di Baibl seh dat dehn “sin dehn da soh moch dat dehn don reech aal di way op tu hevn.” (Revilayshan 18:5) Fi honjridz a yaaz, di difrent rilijan dehn intafyaa wid palitiks, dehn sopoat waar, ahn dehn rispansabl fi di det a lata peepl. Sohn rilijos leedaz injai wahn rich laifstail ahn dehn mek di peepl weh sopoat dehn pay far it. Dehndeh tingz onli proov dat dehn noh eevn noa Gaad, ahn soh dehn noh ga no rait fi reprizent hihn!​—Reed 1 Jan 4:8.

3. How Gaad feel bowt faals rilijan?

If di tingz weh faals rilijan du mek yoo geh beks, how yu tink Jehoava feel? Hihn lov peepl, bot hihn beks bad wid di rilijos leedaz hoo klaym seh dehn reprizent hihn bot teech loan lai ahn chreet dehn falowaz bad. Hihn pramis dat faals rilijan wahn geh dischrai ahn dat dehn “wahn neva egzis agen.” (Revilayshan 18:21) Soon, Gaad wahn dischrai aala faals rilijan.​—Revilayshan 18:8.

 SAACH FI MOA

4. Gaad noh aksep evri rilijan

Lata peepl bileev dat difrent rilijan da laik difrent road weh leed tu Gaad. Bot yoo tink dat da chroo? Reed Machyu 7:13, 14, ahn den diskos dis kweschan:

• Weh di Baibl seh bowt di road weh leed tu laif?

Play di VEEDYO, ahn den diskos di kweschan.

• Eniway eena di Baibl seh dat Gaad aksep lata difrent rilijan?

 6. Gaad waahn help peepl get owta faals rilijan

Reed Revilayshan 18:​4, a ahn den diskos dis kweschan:

• How ih mek yu feel fi noa dat Gaad waahn sayv sinsyaa peepl weh faals rilijan fool op?

7. Kantinyu fi laan bowt di chroo Gaad

Yu tink di bad tingz weh faals rilijan seh ahn du shuda afek di way yu feel bowt Gaad? Imajin wahn yong man weh noh waahn lisn tu di waiz advaiz weh ih pa giv ahn. Ih lef hoam ahn du lata bad tingz. Bot di pa noh talarayt weh ih son du. Wai ih wudn bee fyaa fi blaym di pa fi weh ih son di goh chroo?

• Yu tink ih wuda bee fyaa fi blaym Jehoava ahn stap laan bowt ahn bikaaz a di tingz weh faals rilijan du?

 WEH WI LAAN?

Faals rilijan tel lai bowt Gaad wid dehn faals teechinz ahn di terabl tingz weh dehn praktis. Gaad wahn dischrai faals rilijan.

Mek Wi Rivyoo:

• How yoo feel bowt di tingz weh faals rilijan teech ahn di tingz weh dehn du?

• How Jehoava feel bowt faals rilijan?

• Weh Jehoava wahn du wid faals rilijan?