Laik weh wi mi laan eena di laas lesn, noh aal rilijan pleez Gaad. Bot, wee kud wership wi Kriyayta eena wahn way weh mek hihn hapi. Wat da “di kaina wership [er, rilijan]” weh pleez hihn? (Jaymz 1:27, futnoat) Mek wi si weh di Baibl teech wi.

1. Wehpaat wi ku fain infamayshan weh ku teech wi how fi wership Gaad di rait way?

Di Baibl gat een infamayshan weh teech wi how fi wership Gaad. Jeezas mi tel Gaad: “Fi yoo werd da di chroot.” (Jan 17:17) Sohn rilijan ignoar di chroot weh deh eena Gaad Werd, di Baibl. Dehn rada fala hyooman teechinz ahn chradishanz. Bot Jehoava noh hapi wid dehn wan weh “rijek di komanment a Gaad.” (Reed Maak 7:9.) Pahn di ada han, wi mek Gaad hapi wen wi wership hihn di way ih tel wi eena di Baibl ahn wen wi obay weh ih seh.

2. How wi shuda wership Jehoava?

Az wi Kriyayta, onli Jehoava dizerv wi wership. (Revilayshan 4:11) Wi shuda lov ahn wership onli hihn, widowt di yooz wahn aidol er wahn imij.​—Reed Isaiah 42:8.

Wi wership shuda bee sohnting ‘hoali ahn weh pleezʼ Jehoava. (Roamanz 12:1) Dis meenz dat wi need fi liv akaadn tu fi hihn moaral standadz. Fi egzampl, dehn wan weh lov Jehoava lov ahn fala fi hihn standadz bowt marij. Ahn dehn avoid eni bad habit, laik fi smoak tubaako, tek jrogz, er abyooz alkohol. a

3. Wai wi shuda wership Jehoava lang wid wi bradaz ahn sistaz?

Di meetinz weh wi ga evri week gi wi di apachooniti fi “prayz Jehoava . . . eena di kangrigayshan.” (Psalm 111:1, 2) Wan way wi du dis da wen wi sing sang weh prayz Gaad. (Reed Psalm 104:33.) Jehoava aks wi fi aten di meetin dehn bikaaz hihn lov wi ahn hihn noa dat dehn wahn help wi fi injai laif fareva. Wen wi meet tugeda, wi inkorij adaz ahn dehn inkorij wee tu.

 SAACH FI MOA

4. Wi noh fi yooz aidol er imij wen wi wership Gaad

5. If wi wership onli Jehoava, wi wahn bee free fahn faals bileef

 6. Wi wership Gaad da di kangrigayshan meetinz

Wi prayz Jehoava an inkorij adaz wen wi sing ahn gi koments da di kangrigayshan meetinz. Reed Psalm 22:22, ahn den diskos dehnya kweschan:

• Yoo injai fi hyaa di koments da di meetin dehn?

• Yoo wuda laik fi pripyaa ahn gi wahn koment?

7. Jehoava hapi wen wi tel ada peepl bowt weh wi di laan

Dehn ga difrent wayz how wi ku shayr di chroot fahn di Baibl wid adaz. Reed Psalms 9:1 ahn 34:1, ahn den diskos dis kweschan:

• Wat da sohnting weh yu laan fahn di Baibl weh yu wuda waahn shayr wid sohnbadi els?

 WEH WI LAAN?

Wi mek wi Kriyayta hapi wen wi wership onli hihn, wen wi prayz ahn da di kangrigayshan meetinz, ahn wen wi tel adaz bowt weh wi laan.

Mek Wi Rivyoo:

• How wi ku laan how fi wership Gaad eena di rait way?

• Wai wi shuda wership onli Jehoava?

• Wai wi shuda wership lang wid adaz hoo waahn pleez Gaad?