LESN 15
Hoo da Jeezas?
Jeezas da wan a di moas faymos peepl eena hischri. Lata peepl noa ih naym, bot dehn noh noa moch bowt hihn ahn dehn ga difrent aidyaa bowt hoo hihn. Bot weh di Baibl seh bowt Jeezas?
1. Hoo da Jeezas?
Jeezas da wahn powaful spirit weh liv da hevn. Jehoava mi kriyayt hihn bifoa ih mek eniting els. Dat da wai Gaad Werd seh dat hihn da “di fersbaan owta evriting weh Gaad mek.” (Koloashanz 1:15) Di Baibl seh dat Jeezas da Gaad “onli Son” bikaaz Jeezas da di onli wan weh Jehoava mi kriyayt pan ih oan. (Jan 3:16) Jeezas mi werk kloas-wan wid ih Faada, Jehoava, an ih mi help Ahn kriyayt evriting els. (Reed Proverbs 8:30.) Hihn kantinyu fi injai wahn kloas rilayshanship wid Jehoava. Jeezas da “di Werd” bikaaz Jehoava yooz hihn fi diliva Ih mesij dehn an inschrokshanz.—Jan 1:14.
2. Wai Jeezas mi kohn da ert?
Bowt 2,000 yaaz agoa, Jehoava mi du wahn mirakl. Hihn mi yooz ih hoali spirit fi put di laif a Jeezas, weh mi liv da hevn, eena di woom a wahn yong verjin uman weh naym Mayri. Dis da how Jeezas mi baan az wahn hyooman. (Reed Look 1:34, 35.) Jehoava mi sen Jeezas da ert fi bee di Mesaiya, er di Krais, ahn fi sayv hyoomanz. a Evriting weh Jehoava mi prafesai eena di Baibl bowt di Mesaiya mi kohn chroo. Dis mi help di peepl fi noa dat Jeezas da-mi “di Krais, di Son a di livin Gaad.”—Machyu 16:16.
3. Wehpaat Jeezas deh now?
Afta Jeezas mi ded az wahn hyooman, Jehoava mi rezorek ahn bak tu laif az wahn spirit da hevn. Da hevn, “Gaad mi lif ahn op tu wahn haiya pozishan.” (Filipiyanz 2:9) Now, Jeezas da wahn veri powaful aynjel—onli Jehoava ga moa powa dan hihn.
SAACH FI MOA
Fain owt moa bowt hoo da Jeezas ahn si wai ih impoatant fi laan bowt ahn.
4. Jeezas da noh Almaiti Gaad
Di Baibl teech wi dat eevn doa Jeezas da wahn powaful spirit da hevn, hihn obeedyant tu ih Gaad ahn Faada, Jehoava. How wi noa dat? Play di VEEDYO fi si weh di Baibl teech wi bowt how Jeezas difrent fahn Almaiti Gaad.
Dehnya skripchaz wahn help wi fi andastan di rilayshanship bitween Jehoava ahn Jeezas. Reed eech skripcha, ahn den diskos di kweschanz.
Reed Look 1:30-32.
-
How di aynjel mi diskraib di rilayshanship bitween Jeezas ahn Jehoava, “di Moas Hai Gaad”?
Reed Machyu 3:16, 17.
-
Wen Jeezas mi geh baptaiz, weh di vais fahn hevn mi seh?
-
Hoo yu tink mi seh dehndeh werdz?
Reed Jan 14:28.
-
Hoo oalda ahn ga moa atariti? Wahn pa er wahn son?
-
Weh Jeezas mi meen wen ih kaal Jehoava ih Faada?
Reed Jan 12:49.
-
Jeezas tink dat hihn an ih Faada da di saym persn? Weh yoo tink?
5. Weh proov dat Jeezas da-mi di Mesaiya?
Lata prafesi deh eena di Baibl weh help peepl noa hoo da di Mesaiya, di wan weh Gaad mi sen fi sayv peepl. Play di VEEDYO fi laan bowt som a di prafesi dehn weh mi kohn chroo wen Jeezas mi deh pahn ert.
Reed dehnya Baibl prafesi, ahn den diskos di kweschanz:
Reed Micah 5:2 fi laan wehpaat di Mesaiya mi wahn baan. b
-
Da prafesi mi kohn chroo wen Jeezas baan?—Machyu 2:1.
Reed Psalm 34:20 ahn Zechariah 12:10 fi si weh di Baibl mi prafesai bowt di det a di Mesaiya.
-
Dehnya prafesi mi kohn chroo?—Jan 19:33-37.
-
Wai ih neva pasabl fi mek Jeezas kaaz dehndeh prafesi fi kohn chroo?
-
Weh dat tel yu bowt Jeezas?
6. Wi benifit wen wi laan bowt Jeezas
Di Baibl seh dat ih reeli impoatant fi mek wi laan bowt Jeezas ahn weh Gaad waahn mek ih du. Reed Jan 14:6 ahn 17:3, ahn den diskos dis kweschan:
-
Wai ih impoatant fi laan bowt Jeezas?
Jeezas mi oapm di way fi mek wi ku bee Gaad fren. Hihn mi teech di chroot bowt Jehoava, ahn chroo hihn wi ku geh evalastin laif
WEH YU WUDA SEH IF SOHNBADI TEL YU: “Jehoava Witnisiz noh bileev eena Jeezas.”
-
Wai yu wuda seh dat?
WEH WI LAAN?
Jeezas da wahn powaful spirit. Hihn da Gaad Son ahn di Mesaiya.
Mek Wi Rivyoo:
-
Wai di Baibl kaal Jeezas “di fersbaan owta evriting weh Gaad mek”?
-
Weh Jeezas mi du bifoa ih kohn da ert?
-
How wi noa dat Jeezas da di Mesaiya?
FAIN OWT MOA
Laan moa bowt how wi noa dat Jeezas da di Mesaiya.
“Di Prafesi Dehn Bowt di Mesaiya Proov Dat Jeezas Da-Mi di Mesaiya?” (Web aatikl)
Fain owt if di Baibl teech dat Gaad mi geh fi bee Jeezas Pa di saym way how hyoomanz ga pikni.
Fain owt wai di Chriniti da noh wahn Baibl teechin.
Reed how wahn uman laif mi chaynj afta shee mi saach fi weh di Baibl seh bowt Jeezas.
