Naamali, wen peepl tink bowt Jeezas dehn onli picha wahn baybi, wahn waiz prafit, er wahn man weh di ded. Bot yu tink wi ku laan moa bowt Jeezas if wi stodi bowt fi hihn laif pahn ert? Eena dis lesn, wi wahn laan bowt som a di moas impoatant tingz weh Jeezas mi du ahn how dehn ku help yoo.

1. Wat da-mi di moas impoatant werk weh Jeezas mi du?

Tu Jeezas, di moas impoatant werk da-mi fi “preech di gud nyooz a di Kingdom a Gaad.” (Reed Look 4:43.) Hihn mi preech di gud nyooz dat Gaad wahn set op wahn kingdom, er govament, weh wahn solv aala wi prablemz. a Jeezas mi du ih bes fi preech dis pazitiv mesij fi chree an a haaf yaaz.​—Machyu 9:35.

2. Weh Jeezas miraklz mi proov?

Di Baibl seh dat Gaad “mi giv [Jeezas] di powa fi du lata mirakl ahn lata ada powaful werks.” (Aks 2:22) Jehoava mi gi Jeezas di powa fi kanchroal di weda, fi feed towznz a peepl, fi kyoar di sik, an eevn fi bring ded peepl bak tu laif. (Machyu 8:23-27; 14:15-​21; Maak 6:56; Look 7:11-17) Di miraklz weh Jeezas mi du mek it klyaa dat Gaad mi sen ahn. Dehn mi aalso shoa dat Jehoava ga di powa fi solv aala wi prablemz.

3. Weh wi ku laan fahn di way Jeezas mi liv ih laif?

Jeezas mi aalwayz obay Jehoava. (Reed Jan 8:29.) Rait op tu di day ih ded, Jeezas mi du evriting ih Pa aks ahn fi du, eevn doa lata peepl mi chrai stap ahn. Hihn mi proov dat ih pasabl fi mek hyoomanz serv Gaad, eevn eena haad sichuwayshanz. Soh, wi “mos fala ih egzampl kloas-wan.”​—1 Peeta 2:21.

 6. Jeezas mi du miraklz

Jehoava mi gi Jeezas di powa fi du lata miraklz. Fi si wan egzampl, reed Maak 5:25-34 er play di VEEDYO. Den diskos di kweschanz.

• Akaadn tu di veedyo, weh di uman weh sik mi bileev?

• Weh yoo laik bowt dis mirakl?

Reed Jan 5:36, ahn den diskos dis kweschan:

• Weh Jeezas miraklz proov bowt hihn?

 WEH WI LAAN?

Jeezas mi preech bowt Gaad Kingdom, ih mi du lata miraklz, an ih mi aalwayz obay Jehoava.

Mek Wi Rivyoo:

• Wat da-mi Jeezas mayn werk wail ih mi deh pahn ert?

• Weh Jeezas miraklz mi proov?

• Wat da sohn impoatant lesn weh Jeezas mi teech?