LESN 19
Jehoava Witnisiz Da Reel Kristyanz?
Az Jehoava Witnisiz, wee bileev dat wi da reel Kristyanz. Wai? Noatis weh wi bays wi bileef pan, di naym weh mek wi difrent, ahn di kaina lov weh wi ga fi wan anada.
1. Weh Jehoava Witnisiz bays dehn bileef pan?
Jeezas mi seh: “[Gaad] werd da di chroot.” (Jan 17:17) Jos laik Jeezas, Jehoava Witnisiz aalwayz bays dehn bileef pahn Gaad Werd. Noatis wi hischri az Jehoava Witnisiz. Rong di yaa 1870, wahn groop a sinsyaa peepl mi staat tu stodi di Baibl fi fain owt weh ih reeli teech. Dehn mi bays dehn bileef pahn weh di Baibl seh, eevn wen dehndeh bileef mi difrent fahn weh di cherch dehn mi-di teech. Den, dehn mi staat tu tel ada peepl bowt weh dehn mi laan. a
2. Wai wi kaal wiself Jehoava Witnisiz?
Jehoava kaal peepl weh wership hihn ih witnisiz bikaaz dehn tel di chroot bowt ahn. (Heebrooz 11:4–12:1) Fi egzampl, bak eena aynshent taimz, Gaad mi tel ih peepl: “[Unu] da mai witnisiz.” (Reed Isaiah 43:10.) Ahn Jeezas da “di Faytful Witnis.” (Revilayshan 1:5) Soh dat da wai sins 1931 wi chooz fi kaal wiself Jehoava Witnisiz. Wee prowd fi ga da naym.
3. How Jehoava Witnisiz shoa lov laik Jeezas?
Jeezas mi lov ih disaipl dehn soh moch dat hihn mi kansida dehn az paat a fi hihn famili. (Reed Maak 3:35.) Sayhn way soh, Jehoava Witnisiz da wahn yoonaitid famili weh deh aal rong di werl. Dat da wai wi kaal eech ada brada ahn sista. (Faileeman 1, 2) Wi aalso obay di koman: “Ga lov fi wi bradaz weh deh aal oava di werl.” (1 Peeta 2:17) Jehoava Witnisiz shoa dis kaina lov eena lata wayz, espeshali wen dehn help owt dehn bradaz ahn sistaz rong di werl weneva dehn need help.
SAACH FI MOA
Laan moa bowt di hischri a Jehoava Witnisiz, ahn si moa proof dat wi da reel Kristyanz.
Reel Kristyanz bays dehn bileef pahn di Baibl ahn dehn tel adaz bowt weh dehn bileev
4. Wi bays wi bileef pahn di Baibl
Jehoava mi seh dat wi andastandin a di Baibl wuda geh moa ahn moa klyaa. Reed Daniel 12:4 ahn futnoat, ahn den diskos dis kweschan:
-
Weh wuda “bee plenti” monks Gaad peepl az dehn kantinyu fi stodi di Baibl?
Si how wahn groop a Baibl styoodents, inkloodin Charles Russell, mi stodi Gaad Werd. Play di VEEDYO, ahn den diskos di kweschan.
-
Akaadn tu di veedyo, how Charles Russell ahn di ada Baibl Styoodents mi stodi di Baibl?
Yu mi noa?
Sohntaim, wi ajos wi andastandin a som a wi bileef. Wai? Jos laik how wi staat tu si evriting lee bit bai lee bit wen di son staat tu kom op, Gaad mek wi andastan ih Werd lee bit bai lee bit tu. (Reed Proverbs 4:18.) Soh eevn doa di Baibl noh chaynj, wi ajos wi bileef az wi geh fi andastan di Baibl beta.
5. Wi liv op tu wi naym
Wai wi chooz fi kaal wiself Jehoava Witnisiz? Play di VEEDYO, ahn den diskos di kweschan.
-
Wai Jehoava Witnisiz da di bes naym fi kaal wiself?
Wai Jehoava chooz peepl fi bee fi hihn witnisiz? Sins peepl tel lata lai bowt Gaad, fi hihn witnisiz wuda help adaz noa di chroot bowt hihn, di onli chroo Gaad. Mek wi kansida too lai weh peepl seh bowt ahn.
Sohn rilijan teech dehn membaz dat Gaad waahn dehn yooz aidol er imij fi wership ahn. Bot dat da chroo? Reed Leviticus 26:1, ahn den diskos dehnya kweschan:
-
Akaadn tu dis skripcha, wat da di chroot? How Jehoava feel bowt aidolz?
Sohn rilijos leedaz teech dat Jeezas da Gaad. Bot dat da chroo? Reed Jan 20:17, ahn den diskos dehnya kweschan:
-
Akaadn tu dis skripcha, wat da di chroot? Gaad ahn Jeezas da di saym persn?
-
How yoo feel fi noa dat Jehoava sen ih Witnisiz fi preech di chroot bowt hihn an ih Son?
6. Wi lov wan anada
Di Baibl kompyaa Kristyanz tu di difrent paats a di hyooman badi. Reed 1 Korintyanz 12:25, 26, ahn den diskos dehnya kweschan:
-
Weh reel Kristyanz shuda du wen dehn Kristyan bradaz ahn sistaz sofa?
-
How yoo si Jehoava Witnisiz shoa lov tu wan anada?
Wen Jehoava Witnisiz sofa eena wan paat a di werl, dehn Kristyan bradaz ahn sistaz aal rong di werl chrai help rait away. Fi si wahn egzampl a dat, play di VEEDYO. Den diskos di kweschan.
-
How di rileef werk weh Jehoava Witnisiz du shoa dat dehn lov peepl?
Reel Kristyanz shoa lov tu peepl weh need help
WEH YU WUDA SEH IF SOHNBADI TEL YU: “Jehoava Witnisiz da jos wahn nyoo rilijan.”
-
How lang Jehoava di kaal di peepl weh wership hihn fi hihn witnisiz?
WEH WI LAAN?
Jehoava Witnisiz da reel Kristyanz. Wi da wahn werlwaid famili weh wership Gaad, wi bays wi bileef pahn di Baibl, ahn wi shayr di chroot bowt Jehoava wid adaz.
Mek Wi Rivyoo:
-
Wai wi chooz di naym Jehoava Witnisiz?
-
How wi chreet wan anada?
-
Yu tink Jehoava Witnisiz da reel Kristyanz?
FAIN OWT MOA
Laan moa bowt wi hischri.
Jehoava Witnisiz—Wahn Hischri a Chroo Fayt, Paat 1: Dehn Kom Owta di Daaknis (1:00:53)
Si wahn egzampl a how Jehoava Witnisiz ekspoaz faals teechinz.
Fain di ansaz tu kweschanz yu mait ga bowt Jehoava Witnisiz.
“Kweschanz Weh Peepl Naamali Aks Bowt Jehoava Witnisiz” (web payj)
Stephen mi hayt peepl fahn ada rays soh moch dat ih yoostu atak dehn. Fain owt weh hihn mi si monks Jehoava Witnisiz weh mi mek hihn waahn chaynj ih wayz.
“Mi Laif Mi-Di Goh Fahn Bad tu Wers” (Di Wachtowa, Joolai 1, 2015)
a Sins 1879, Jehoava peepl di poblish Di Wachtowa magazeen fi eksplayn di chroot fahn di Baibl.
