LESN 25

Weh Kaina Laif Gaad Waahn fi Wee?

PLAY

Di Baibl seh dat fi hyoomanz, laif ‘shaat ahn ful a chrobl.ʼ (Job 14:1) Dat da reeli how Gaad waahn wi liv? If nat, den weh kaina laif Gaad waahn fi wi? Yu tink ih wahn eva hapm? Fain owt di komfertin ansaz fahn di Baibl.

1. Weh kaina laif Jehoava waahn wi liv?

Jehoava waahn mek wi ga di bes laif pasabl. Wen hihn mi kriyayt di fers hyoomanz, Adam ahn Eev, hihn mi put dehn eena wahn byootiful paradais, di gyaadn da Eedn. Den “Gaad bles dehn ahn Gaad tel dehn: ‘Unu mos ga chiljren ahn ful op di ert ahn koltivayt it.ʼ” (Genesis 1:28) Jehoava mi waahn dehn ga chiljren, mek di hoal ert wahn paradais, ahn tek kayr a di animal dehn. Hihn waahn mek evribadi ga perfek helt ahn liv fareva.

Eevn doa tingz neva werk owt da way, a Gaad stil waahn wi ga da kaina laif. (Isaiah 46:10, 11) Hihn stil waahn mek obeedyant peepl liv fareva eena perfek kandishanz.—Reed Revilayshan 21:3, 4.

2. How wi ku injai wahn hapi laif rait now?

Jehoava mek wi eena wahn way dat wi “need Gaad” eena wi laif. Dat da wai wi ga di dizaiya fi noa ahn wership ahn. (Reed Machyu 5:3-6.) Gaad waahn wi bee kloas fren wid ahn, “fi fala fi hihn wayz, fi lov ahn,” an fi serv ahn “wid aal [wi] haat.” (Deuteronomy 10:12; Psalm 25:14) Wen wi du dis, wi ku reeli bee hapi eevn doa wi ga prablemz. Wen wi wership Jehoava, wi wahn liv wahn gud laif bikaaz wi di liv di way hihn waahn wi liv.

SAACH FI MOA

Laan bowt humoch lov Jehoava mi shoa wen ih mi kriyayt di ert fi wi, ahn si weh ih Werd teech wi bowt di way how hihn waahn wi liv wi laif.

3. Jehoava waahn peepl injai wahn wandaful laif

Play di VEEDYO, ahn den diskos di kweschan.

VEEDYO: Wai Gaad Mi Mek di Ert?—Veedyo Klip (1:41)

Wai Gaad mi mek wi byootiful ert?

Reed Ecclesiastes 3:11, ahn den diskos dis kweschan:

Weh dis teech yu bowt Jehoava?

4. Jehoava stil waahn wi injai wahn wandaful laif

Reed Psalm 37:11, 29 ahn Isaiah 55:11, ahn den diskos dis kweschan:

How wi noa dat Jehoava stil waahn wi injai wahn wandaful laif?

Wahn hows weh deh eena bad kandishan ku geh fiks op. Saym way soh, hyoomanz noh di tek kayr a di ert, bot Gaad wahn soon fiks it op fi peepl weh lov hihn

5. Wen wi wership Jehoava, wi laif wahn ga reel meenin

Wen wi noa how fi liv di way Gaad waahn wi liv, wi ku bee hapi. Play di VEEDYO, ahn den diskos di kweschan.

VEEDYO: Ah Laan fi Liv How Gaad Waahn Ah Liv (5:03)

How Terumi mi benifit wen shee mi laan how fi liv wahn hapi laif?

Reed Ecclesiastes 12:13, ahn den diskos dis kweschan:

Jehoava du wahn lat fi wi, soh how wee ku shoa ahn dat wi tankful?

WEH YU WUDA SEH IF SOHNBADI AKS YU: “How wi ku liv wahn hapi laif?”

WEH WI LAAN?

Jehoava waahn wi injai laif fareva eena perfek kandishanz rait ya pahn ert. Wen wi wership Jehoava wid aala wi haat, wi wahn bee chrooli hapi—eevn now.