LESN 27
How Jeezas Det Ku Sayv Wi?
Di fers hyooman kopl, Adam ahn Eev, mi disobay Gaad, ahn bikaaz a dat wi sin, sofa, ahn ded. a Bot dis noh meen dat no hoap deh. Jehoava mi yooz ih Son, Jeezas Krais, fi sayv wi fahn sin ahn det. Di Baibl teech wi dat wen Jeezas ded, ih pay wahn ransom. Wahn ransom da wahn prais weh yu pay fi set sohnbadi free. Ahn Jeezas mi pay di ransom wid fi hihn perfek hyooman laif. (Reed Machyu 20:28.) Jeezas mi wilin fi giv op ih laif fi wi soh dat wi kuda geh bak evriting weh Adam ahn Eev laas, eevn doa hihn mi ga di rait fi liv pahn ert fareva bikaaz ih mi perfek an ih mi aalwayz obay Jehoava. Dat shoa wi humoch Jeezas ahn Jehoava lov wi. Dis lesn wahn help yu fi bee moa tankful fi Jeezas det.
1. How Jeezas det ku help wi tudeh?
Bikaaz wi da sinaz, wi du wahn lata tingz weh Jehoava noh laik. Bot wi ku bee Jehoava fren if wi reeli sari fi wi sin dehn an aks ahn fi fergiv wi eena Jeezas naym ahn chrai wi bes noh fi du dehndeh mistayk agen. (1 Jan 2:1) Di Baibl seh: “Krais mi ded onli wan taim fi wi sin dehn. Hihn da-mi wahn raichos persn, an ih ded fi peepl weh noh raichos, soh dat hihn ku help wi fain Gaad.”—1 Peeta 3:18.
2. How Jeezas det wahn help wi eena di fyoocha?
Jehoava mi sen Jeezas fi giv op ih perfek hyooman laif “soh dat evribadi weh shoa fayt eena [Jeezas] noh wahn geh dischrai bot wahn liv fareva.” (Jan 3:16) Tanks tu weh Jeezas du, Jehoava wahn soon geh rid a aala di bad tingz weh Adam kaaz sayka weh ih neva obay Jehoava. Dis meenz dat if wi ga fayt eena Jeezas sakrifais, wi wahn geh di chaans fi injai laif fareva eena Paradais rait ya pahn ert!—Isaiah 65:21-23.
SAACH FI MOA
Laan moa bowt wai Jeezas mi giv op ih laif ahn si how dat ku help yoo.
3. Jeezas det set wi free fahn sin ahn det
Play di VEEDYO, ahn den diskos di kweschan.
-
Weh apachooniti Adam laas bikaaz ih neva obay Gaad?
Reed Roamanz 5:12, ahn den diskos dis kweschan:
-
How di sin weh Adam komit afek yoo?
Reed Jan 3:16, ahn den diskos dis kweschan:
-
Wai Jehoava mi sen ih Son tu di ert?
-
Adam da-mi wahn perfek man weh neva obay Gaad, ahn bikaaz a dat, peepl sin ahn ded
-
Jeezas da-mi wahn perfek man weh obay Gaad, ahn bikaaz a dat, peepl ga di chaans fi bee perfek ahn liv fareva
4. Evribadi ku benifit fahn Jeezas det
Play di VEEDYO, ahn den diskos di kweschan.
-
How di det a wan man ku benifit evribadi?
Reed 1 Timoti 2:5, 6, ahn den diskos dis kweschan:
-
Adam da-mi wahn perfek man, bot bikaaz hihn mi sin, evribadi sin ahn ded. Jeezas da-mi wahn perfek man tu. How hihn kuda mi “pay di ransom prais”?
5. Di ransom da wahn gif fahn Jehoava tu yoo
Jehoava fren dehn si di ransom az wahn persnal gif. Fi egzampl, reed Galayshanz 2:20, ahn den diskos dis kweschan:
-
How di apasl Paal mi shoa dat hihn mi si di ransom az wahn persnal gif?
Wen Adam mi sin, hihn an aala ih disendant dehn mi kandem tu det. Bot Jehoava sen ih Son fi giv op ih laif soh dat yoo ku ga di chaans fi liv fareva.
Az yu reed dehnya vers, chrai imajin how Jehoava mi feel wen ih Son mi-di sofa. Reed Jan 19:1-7, 16-18, ahn den diskos dis kweschan:
-
How yoo feel bowt weh Jehoava ahn Jeezas du fi yu?
WEH YU WUDA SEH IF SOHNBADI AKS YU: “How wan man ku ded fi evribadi?”
WEH WI LAAN?
Bikaaz Jeezas giv op ih laif fi wi, Jehoava ku fergiv wi sin dehn ahn wi ku geh wahn chaans fi liv fareva.
Mek Wi Rivyoo:
-
Wai Jeezas mi ded?
-
How Jeezas kuda mi pay di ransom prais?
-
How Jeezas det ku help yoo?
FAIN OWT MOA
Laan wai Jeezas perfek hyooman laif da wahn ransom.
“How Jeezas Sakrifais Da ‘Wahn Ransom fi Sayv Lata Peeplʼ?” (Web aatikl)
Fain owt weh wi need fi du fi geh sayv fahn sin ahn det.
Yu tink Jehoava ku fergiv seeryos sinz tu?
“Ansaz tu Kweschanz Bowt di Baibl” (Di Wachtowa, May 1, 2013)
Si how wahn man mi chaynj ih laif wen ih mi laan bowt Jeezas sakrifais.
a Sin da noh jos di bad tingz weh wi du. Ih aalso inklood di sinful naycha weh wi inherit fahn Adam ahn Eev.
