Di moas impoatant mesij eena di Baibl da bowt Gaad Kingdom. Jehoava wahn yooz da Kingdom fi mek di ert intu wahn paradais, jos laik weh hihn mi waahn fahn di biginin. Wat da Gaad Kingdom? How wi noa dat ih di rool rait now? Weh dis Kingdom don du? Ahn weh ih wahn du eena di fyoocha? Dis lesn ahn di neks too lesn wahn ansa dehndeh kweschan.

1. Wat da Gaad Kingdom, ahn hoo da di King?

Gaad Kingdom da wahn govament weh Jehoava set op da hevn. Di King a dis Kingdom da Jeezas Krais. (Machyu 4:17; Jan 18:36) Di Baibl seh dat Jeezas “wahn rool az King . . . fareva.” (Look 1:32, 33) Az King a Gaad Kingdom, Jeezas wahn rool oava evribadi pahn ert.

2. Hoo wahn rool lang wid Jeezas?

Jeezas noh wahn rool hihn wan. Peepl fahn “evri chraib, langwij, rays, ahn nayshan . . . wahn rool az kingz oava di ert.” (Revilayshan 5:9, 10) Humoch a dehn wahn rool lang wid Jeezas? Sins Jeezas mi kohn da ert, milyanz a Kristyanz staat fala ahn. Yu tink aala dehn wahn rool wid hihn? No. Onli 144,000 gwehn da hevn fi rool lang wid Jeezas. (Reed Revilayshan 14:1-4.) Aala di res a Kristyanz wahn bee sitizn a di Kingdom rait ya pahn ert.​—Psalm 37:29.

3. Wai Gaad Kingdom faar beta dan di hyooman govament dehn?

Eevn wen hyooman roolaz chrai fi du gud tingz, dehn noh ga di powa fi du evriting weh dehn wuda waahn du. An az taim paas, ada roolaz tek dehn plays ahn dehn mait noh eevn waahn help di peepl. Bot Jeezas da di Roola a Gaad Kingdom, ahn nobadi els wahn eva tek fi hihn plays. Gaad “set op wahn kingdom weh wahn neva geh dischrai.” (Daniel 2:44) Jeezas wahn rool oava di hoal ert, ahn hihn noh wahn chreet som peepl beta dan adaz. Hihn lovin, fyaa, ahn kain, ahn hihn wahn teech peepl fi chreet eech ada di saym way​—wid lov, kainis, ahn jostis.​—Reed Isaiah 11:9.

7. Di laa dehn weh Gaad Kingdom mek faar beta dan di laa dehn weh hyoomanz mek

Aal govament mek laa weh sopoas tu benifit ahn protek dehn sitiznz. Gaad Kingdom mek laa tu, an enibadi weh da wahn sitizn a Gaad Kingdom need fi obay dehndeh laa. Reed 1 Korintyanz 6:9-11, ahn den diskos dehnya kweschan:

• Weh yoo tink di werl wahn bee laik wen evribadi obay aala Gaad laa dehn? a

• Yu tink Jehoava ga di rait fi ekspek evri sitizn a fi hihn Kingdom fi fala dehnya laa? Wai?

• How wi noa dat peepl weh noh di obay dehnya laa ku chaynj?​—Si vers 11.

 WEH WI LAAN?

Gaad Kingdom da wahn reel govament da hevn weh wahn rool oava di hoal ert.

Mek Wi Rivyoo:

• Hoo aal wahn rool eena Gaad Kingdom?

• Weh mek Gaad Kingdom beta dan eni hyooman govament?

• Wat da sohn tingz weh Jehoava ekspek fahn peepl weh da sitizn a fi hihn Kingdom?