LESN 33
Weh Aal Gaad Kingdom Wahn Du
Gaad Kingdom don di rool. Ahn soon da Kingdom wahn mek big chaynjiz pahn di ert. Mek wi luk pahn som a di gud tingz weh wi ku luk faawod tu wen Gaad Kingdom rool oava di hoal ert.
1. How Gaad Kingdom wahn bring bak pees ahn jostis pahn di ert?
Jeezas, di King a Gaad Kingdom, wahn dischrai aal wikid peepl ahn govament joorin di waar a Armagedon. (Revilayshan 16:14, 16) Wen da taim kohn, di pramis fahn di Baibl weh seh “jos wahn lee bit langa, ahn di wikid wan dehn wahn geh dischrai,” wahn kohn chroo. (Psalm 37:10) Jeezas wahn mek shoar dat Gaad Kingdom bring pees ahn jostis aal oava di ert.—Reed Isaiah 11:4.
2. Weh laif wahn bee laik wen Gaad wil tek plays pahn di ert?
Wen Gaad Kingdom rool, “di raichos wan dehn wahn inherit di ert, ahn dehn wahn liv fareva pan it.” (Psalm 37:29) Imajin di liv eena wahn werl wid loan gud peepl weh lov Jehoava an eech ada! Nobadi wahn geh sik, an evribadi wahn liv fareva.
3. Weh Gaad Kingdom wahn du afta wikid peepl geh dischrai?
Afta wikid peepl geh dischrai, Jeezas wahn rool az King fi 1,000 yaaz. Joorin da taim, Jeezas ahn di 144,000 weh rool lang wid ahn wahn help peepl pahn ert geh fi bee perfek. Da di en a da 1,000 yaaz, di hoal ert wahn bee wahn byootiful paradais, an evribadi wahn bee hapi bikaaz dehn obay Jehoava laa dehn. Den Jeezas wahn gi di Kingdom bak tu Jehoava. Den fainali, Jehoava “naym [wahn] bee hoali” fareva. (Machyu 6:9, 10) Bai den, evribadi wahn noa dat Jehoava da wahn gud Roola weh kay bowt ih peepl. Den Jehoava wahn dischrai Saytan, di deemon dehn, an enibadi els weh chooz fi goh gens fi Hihn roolaship. (Revilayshan 20:7-10) Aala di gud tingz weh Gaad Kingdom du wahn laas fareva.
SAACH FI MOA
Fain owt wai wi ku chros dat Gaad wahn yooz di Kingdom fi mek aal di Baibl pramis dehn fi di fyoocha kohn chroo.
4. Gaad Kingdom wahn geh rid a aal hyooman govament
Di Baibl seh dat “man rool oava man an onli kaaz payn.” (Ecclesiastes 8:9) Jehoava wahn yooz fi hihn Kingdom fi stap da injostis ahn fiks aal di damij weh da injostis kaaz.
Reed Daniel 2:44 ahn 2 Tesaloanyanz 1:6-8, ahn den diskos dehnya kweschan:
-
Weh Jehoava ahn Jeezas wahn du wid di hyooman govament dehn ahn di peepl weh sopoat dehn?
-
Bays pahn weh aal yu don laan bowt Jehoava ahn Jeezas, wai yu ku bee shoar dat dehn wahn du tingz eena wahn fyaa way?
5. Jeezas da di bes King
Az King a Gaad Kingdom, Jeezas wahn du lata tingz fi help fi hihn peepl pahn ert. Play di VEEDYO fi si how Jeezas shoa dat hihn waahn help peepl ahn dat Jehoava don giv ahn di powa fi du it.
Di tingz weh Jeezas mi du wen ih mi deh pahn ert shoa wi weh aal di Kingdom wahn du. Wich wan a dehnya pramis yu luk faawod fi si kohn chroo? Reed di skripchaz saida eech pramis fi laan moa bowt it.
|
WAIL JEEZAS MI DEH PAHN ERT, HIHN MI . . . |
FAHN HEVN, JEEZAS WAHN . . . |
|---|---|
|
|
|
|
|
|
|
|
6. Gaad Kingdom wahn mek wi ga wahn wandaful fyoocha
Di Kingdom wahn gi peepl di wandaful laif weh Jehoava mi aalwayz waahn dehn gat. Dehn wahn liv fareva eena Paradais pahn ert. Play di VEEDYO fi si how Jehoava di yooz ih Son, Jeezas, fi mek fi Hihn perpos kohn chroo.
Reed Psalm 145:16, ahn den diskos dis kweschan:
-
How ih mek yu feel fi noa dat Jehoava wahn “gi wi evriting weh wi waahn”?
WEH YU WUDA SEH IF SOHNBADI TEL YU: “If aala wi werk tugeda, wi ku fiks di prablemz eena di werl.”
-
Weh prablemz Gaad Kingdom wahn fiks weh hyooman govament kyaahn fiks?
WEH WI LAAN?
Gaad Kingdom wahn du evriting weh Hihn waahn ih du. Ih wahn ton di ert intu wahn paradais wid peepl weh wahn wership Jehoava fareva.
Mek Wi Rivyoo:
-
How Gaad Kingdom wahn klayr Jehoava naym?
-
Wai wi ku bee shoar dat Gaad Kingdom wahn mek di Baibl pramis dehn kohn chroo?
-
Owta aala di gud tingz weh di Kingdom wahn du, weh yoo reeli di luk faawod tu?
FAIN OWT MOA
Fain owt wat da Armagedon.
Fain owt weh wahn hapm joorin di “grayt chribyulayshan” weh Jeezas mi taak bowt.—Machyu 24:21.
Si how wahn famili ku imajin dehn deh tugeda eena Paradais.
Eena di aatikl “Ah Mi Ga Lata Kweschanz,” si how wahn persn weh mi ribel gens di govament fain di solooshan weh ih mi-di luk fa.
“Di Baibl Chaynj Peepl Laif” (Di Wachtowa, Janiweri 1, 2012)
