Ai Redi Yet?
Ai Redi fi Preech Wid di Kangrigayshan?
Eevn if yu noh baptaiz yet, maybi yu ku staat preech wid di bradaz ahn sistaz eena di kangrigayshan if yu . . .
Aalwayz stodi di Baibl, pray, ahn goh da di kangrigayshan meetin dehn.
Bileev ahn lov weh yu di laan ahn yu waahn tel ada peepl bowt it.
Lov Jehoava ahn yu mek shoar dat dehn wan weh yu pik az yu gud frenz lov hihn tu.
Da noh paat a eni politikal aaganaizayshan er faals rilijan.
Liv laik how Jehoava waahn yu liv ahn yu waahn bee wan a Jehoava Witnisiz.
If yu feel laik yu redi fi preech wid di bradaz ahn sistaz eena di kangrigayshan, den yu Baibl teecha ku mek yu taak tu di eldaz soh dat yu noa weh yu need fi du fi mek yu kwalifai.
Ai Redi fi Geh Baptaiz?
Yu mait bee redi fi geh baptaiz if yu . . .
Di preech wid di kangrigayshan bot yu noh baptaiz yet.
Di goh preech az moch az yu kud wid di bradaz ahn sistaz eena di kangrigayshan.
Sopoat “di faytful ahn waiz slayv” ahn fala dehn dairekshan.—Machyu 24:45-47.
Don pray tu Jehoava fi tel ahn dat yu di giv yu laif tu ahn an yu waahn serv ahn fareva.
If yu feel laik yu redi fi geh baptaiz, den yu Baibl teecha ku mek yu taak wid di eldaz, ahn dehn wahn help yu fi si weh yu ku du fi geh baptaiz.
