Kloas frenz mek wi feel eevn hapiya wen tingz di goh gud, ahn dehn sopoat wi wen taimz geh haad. Bot di Baibl waan wi dat noh evribadi da wahn gud fren. Soh how yoo ku chooz gud frenz? Fi fain di ansa, mek wi tink bowt dehnya neks kweschanz.

1. How di frenz weh yu chooz wahn afek yu?

Moas a di taim, wi tink an ak laik di peepl weh wi spen taim wid. Dis ku bee sohnting gud er bad fi wi, an ih wahn hapm weda wi di spen taim wid dehn fays tu fays er pahn di Intanet. Di Baibl seh: “Di persn weh di waak wid waiz peepl wahn geh waiz. Tingz noh gwehn gud fi wahn persn weh ga deelinz wid peepl weh noh ga no sens [peepl weh noh lov Jehoava].” (Proverbs 13:20) Frenz weh lov ahn wership Jehoava ku help yu fi stay kloas tu hihn ahn dehn wahn help yu fi mek gud disizhanz. Bot if wi da kloas frenz wid peepl weh noh wership Jehoava, dehn ku mek wi jrif weh fahn hihn. Dat da wai di Baibl inkorij wi fi bee waiz wen wi di pik wi frenz! Wen wi chooz frenz weh lov Gaad, ih noh onli gud fi wee bot ih gud fi dehn tu. Bikaaz wi wahn “kip aan di inkorij wan anada ahn di bil op wan anada.”—1 Tesaloanyanz 5:11.

2. How Jehoava feel bowt di frenz weh yoo chooz?

Jehoava kyaaful wen ih di chooz ih frenz. “Hihn da kloas fren wid di raichos persn.” (Proverbs 3:32) If wi chooz frenz weh noh lov Jehoava, how dat wuda mek hihn feel? Dat wuda reeli hert hihn! (Reed Jaymz 4:4.) Bot if wi stay weh fahn bad kompni ahn jraa kloas tu hihn ahn tu peepl weh lov ahn, Jehoava wahn hapi wid wi, an ih wahn mek wi bee ih fren.—Psalm 15:1-4.

 SAACH FI MOA

4. Wi ku bee gud frenz wid peepl weh difrent fahn wi

Di Baibl taak bowt Dayvid ahn Janatan hoo mi liv eena di taim a di Izrelaits. Janatan da-mi di king son an ih mi moch moa oalda dan Dayvid, bot dehn da-mi gud frenz. Reed 1 Samuel 18:1, ahn den diskos dis kweschan:

• Wai wi frenz noh aalwayz haftu bee fi wee sayhn ayj er kohn fahn di sayhn bakgrong?

Reed Roamanz 1:11, 12, ahn den diskos dis kweschan:

• How frenz weh lov Jehoava ku inkorij eech ada?

Eena dis veedyo, si how wahn yong brada mi mek frenz wid sombadi weh ih neva ekspek ih ku bee frenz wid. Play di VEEDYO, ahn den diskos di kweschan dehn.

• Eena di veedyo, wai Akil payrents mi-di wori bowt di frenz weh ih mi-di mek da skoal?

• At fers, wai hihn mi waahn bee dehn fren?

• Weh hihn mi du fi noh feel loanli?

 5. How fi mek gud frenz

 WEH WI LAAN?

Wen wi tek wi taim fi chooz wi frenz, wi mek Jehoava hapi ahn wi mek tingz beta fi wiself.

Mek Wi Rivyoo:

• Wai di frenz weh wi chooz mata tu Jehoava?

• Weh kaina peepl wi noh fi bee frenz wid?

• How yu ku bil schrang frenship wid peepl weh lov Jehoava?