Chroo Kristyanz mek op dehn main fi noh mek notn er nobadi stap dehn fahn wership Jehoava. Wi noa dat yoo feel soh tu. An ih meen wahn lat tu Jehoava bikaaz yu laayal tu hihn. (Reed 1 Chronicles 28:9.) Bot weh kaina tingz ku hapm weh wuda mek it haad fi yu stay laayal tu Jehoava? Ahn weh ku help yu wen sohnting laik dat hapm?

1. How peepl ku chrai stap wi fahn stay laayal tu Jehoava?

Sohn peepl wahn chrai stap wi fahn serv Jehoava. Bot weh kaina peepl wuda du dat? Som a dehn da apastayts, dehn da peepl weh stap serv Jehoava ahn now dehn di tel loan lai bowt fi hihn aaganaizayshan soh dat wee stap serv Jehoava tu. Bisaidz dehn, dehn ga rilijos leedaz weh tel lai bowt wi bikaaz dehn waahn peepl weh jos bileev eniting weh dehn hyaa, fi ton weh fahn di chroot. Ih wuda bee reeli daynjaros fi mek wi taak tu enibadi weh goh gens Jehoava peepl, fi reed dehn buk er di tingz weh dehn poas pahn di Intanet, fi goh pahn dehn websait, er fi wach dehn veedyo dehn. Noatis weh Jeezas mi seh bowt peepl weh chrai stap adaz fahn stay laayal tu Jehoava, ih seh: “Lef dehn loan. Dehn da sohn blain leedaz. If wahn blain man leed wahn nada blain man, di too a dehn wahn jrap eena wahn hoal.”—Machyu 15:14.

2. How di tingz wee du ku shoa if wi laayal tu Jehoava?

Bikaaz wi lov Jehoava, wi noh wahn ga notn fi du wid faals rilijan. Wi jab, eni aaganaizayshan weh wi bilang tu, er eniting els weh wi du noh fi ga no paat eena faals rilijan. Jehoava waan wi wen ih seh: “Mi peepl, . . . kom owt fahn monks [Babilan di Grayt].”—Revilayshan 18:2, 4.

 SAACH FI MOA

3. Bee kyaaful a peepl weh teech laiz

Weh wi fi du if wi hyaa peepl di taak bad bowt Jehoava aaganaizayshan? Reed Proverbs 14:15, ahn den diskos dis kweschan:

• Wai wi fi bee kyaaful ahn noh bileev evriting weh wi hyaa?

Reed 2 Jan 9-11, ahn den diskos dehnya kweschan:

• How wi fi chreet peepl weh da apastayts?

• Eevn if wi noh di taak tu wahn apastayt, how wi ku stil laan bowt di tingz weh dehn teech?

• If yu wuda lisn tu laiz bowt Jehoava er fi hihn aaganaizayshan, how yoo tink hihn wahn feel?

4. Stay laayal tu Jehoava wen sombadi eena di kangrigayshan mek wahn seeryos mistayk

Weh wi need fi du if wi fain owt dat sombadi eena di kangrigayshan mek wahn seeryos mistayk? Tink bowt wahn prinsipl fahn di Laa weh Jehoava mi gi di Izrelaits. Reed Leviticus 5:1.

Jos laik weh da skripcha seh, if wi fain owt dat sombadi mek wahn seeryos mistayk, wi need fi tel di eldaz weh wi noa. Bot bifoa wi du dat, ih wuda bee kain fi inkorij di persn weh mek di mistayk fi goh tu di eldaz ahn tel dehn bowt weh ih du. If di persn noh du dat, den wi fi tel di eldaz weh wi noa bikaaz dis shoa dat wi laayal tu Jehoava. Wen wi du dis, how dat shoa laayal lov fi . . .

• Jehoava Gaad?

• di persn weh sin?

• ada peepl eena di kangrigayshan?

 5. Noh ga notn fi du wid Babilan di Grayt

 WEH WI LAAN?

Fi mek wi ku stay laayal tu Jehoava, wi need fi stay weh fahn peepl weh chrai fool wi soh dat wi stap serv Hihn.

Mek Wi Rivyoo:

• Wai wi noh fi lisn tu weh apastayts teech?

• Weh wi fi du if wi fain owt dat wan a wi brada er sista mek wahn seeryos mistayk?

• How wi ku obay di waanin fi kom owta faals rilijan?