Wat da di bes way fi stodi dehnya Baibl lesn?
Fers rivyoo dis sekshan, ahn den play di VEEDYO.
FERS SEKSHAN
Fi pripyaa fi eech lesn, reed eech paragraaf. Dehn ga kweschanz (A) ahn skripchaz (B) weh deh eena boal weh bring owt di mayn aidyaaz. Reed di skripchaz weh seh “reed.”
SEKANT SEKSHAN
Di fers paragraaf (C) eena di Saach fi Moa sekshan eksplayn weh wahn geh diskos eena dis sekshan. Di sobhedin dehn eena boal (D) inchrojoos di mayn aidyaa dehn. Reed di skripchaz, ansa di kweschanz, ahn wach di veedyo dehn wid yu teecha. sekshan.
Di VEEDYO an AADYO RIKAADN dehn wahn help yu fi geh wahn deepa andastandin a weh yu di stodi. Som a di veedyo dehn da tingz weh mi hapm eena reel laif an adaz da jos weh peepl ak.
Luk pahn di pichaz ahn reed di kyapshan weh eksplayn di pichaz (E), ahn tink bowt how fi ansa di Weh Yu Wuda Seh if Sohnbadi Tel Yu (F)
TERD SEKSHAN
Di lesn en aaf wid di Weh Wi Laan? ahn Mek Wi Rivyoo (G) sekshan dehn. Rait dong di dayt wen yu finish di lesn. Eena di Weh Ah Ku Werk Pan (H) sekshan, yu wahn si sohn goalz weh yu ku werk pan soh dat yu ku kantinyu laan ahn yooz weh yu di laan eena yu laif. Di Fain Owt Moa (I) sekshan gat een adishanal infamayshan weh yu ku reed er wach if yu waahn laan moa.
Lis a tapik
|
|
Sekshan 3 
|
Sekshan 4 
|
How yu ku fain di skripcha dehn eena di Baibl?
Di Baibl da 66 lee buk put tugeda eena wan. Ih divaid op eena too mayn sekshan: di Heebroo-Aramayik Skripchaz (“Oal Testiment”) ahn di Greek Skripchaz (“Nyoo Testiment”).
Yu ku fain di skripcha dehn if yu luk op di naym a di Baibl buk (A), di chapta nomba (B), ahn di vers nomba (C).
Fi egzampl, yu ku fain Jan 17:3 if yu luk op di buk a Jan, chapta 17, ahn vers 3.
