Hoo Di Kanchroal Dis Werl?
Yu tink da . . .
-
Gaad?
-
man?
-
Saytan?
DI BAIBL ANSA SEH:
“Di hoal werl deh anda di powa a di eevl wan.”—1 Jan 5:19.
“Di Son a Gaad . . . kohn fi dischrai aal weh di devl du.”—1 Jan 3:8, Di Nyoo Testiment eena Bileez Kriol.
HOW YU WAHN BENIFIT IF YU BILEEV DIS
Yu wahn andastan wai lata bad tingz di hapm eena di werl. —Revilayshan 12:12.
Yu wahn ga reezn fi bileev dat tingz wahn geh beta.—1 Jan 2:17.
WI KU REELI CHROS WEH DI BAIBL SEH?
Yes, fi at lees chree reezn:
-
Saytan roolaship bong fi fayl. Jehoava don mek op ih main fi geh rid a Saytan roolaship. Ih pramis fi “dischrai di devl” ahn fiks aala di damij weh Saytan kaaz.—Heebrooz 2:14.
-
Gaad don pik Jeezas Krais fi rool di werl. Jeezas toatali difrent fahn Saytan. Saytan rool eena wahn kruwil ahn selfish way. Bot, Gaad mek disya pramis bowt di King, Jeezas Krais: “Hihn wahn gat piti pahn di hombl ahn di poa wan dehn . . . Hihn wahn reskyu dehn fahn injostis ahn vailens.”—Psalm 72:13, 14, New World Translation (NW).
-
Gaad kyaahn lai. Di Baibl seh playn-wan: “Gaad kyaahn tel lai.” (Heebrooz 6:18) Wen Jehoava pramis fi du sohnting, da laik ih don hapm aredi! (Taitos 1:2) “Hihn wahn pich owt Saytan, weh da di wan weh di rool dis werl.”—Italics ours; Jan 12:31.
TINK BOWT DIS
Weh di werl wahn stan laik wen Saytan noh di rool agen?
Di Baibl gi wi di ansa da PSALM 37:10, 11, NW, ahn REVILAYSHAN 21:3, 4.
Yu Mait Aalso Laik
ESSENTIAL BIBLE TEACHINGS
Wai Gaad Talarayt Sofarin?
Di Baibl eksplayn it eena wahn way weh satisfai wi ahn gi wi komfert.
LAAN BOWT WI
Wai Stodi di Baibl?
Fi milyanz a peepl aal oava di werl, di Baibl di ansa di moas impoatant kweschan dehn eena laif. Yoo wuda waahn bee wan a dehn peepl deh?
LAAN BOWT WI
Aks fi Mek Sohnbadi Vizit Yu
Diskos wahn Baibl kweschan, er laan moa bowt Jehoava Witnisiz.
