Kanvenshan Infamayshan
SPESHAL MEETINZ
BETEL SERVIS If yu don baptaiz, yu 35 yaaz oal er yonga, ahn yu wuda waahn goh serv da Betel, plan fi goh da dis meetin Fraideh aftanoon. Dehn wahn anonks pahn di proagram wehpaa ih wahn deh ahn weh taim fi goh.
SKOOL FI KINGDOM IVANJELAIZAZ If yu da wahn painyaa bitween di ayj a 23 ahn 65, ahn yu wuda waahn du moa eena yu minischri, pleez goh da dis meetin Sondeh aftanoon. Dehn wahn anonks pahn di proagram wehpaa ih wahn deh ahn weh taim fi goh.
INFAMAYSHAN
ATENDANTS Di atendant dehn dehdeh fi help yu. Pleez werk lang wid dehn ahn fala dehn dairekshan wen yu di paak yu veekl, wen yu di kom een er kom owta di bildin, wen yu di fain seet, er wen yu di du eniting els.
BAPTIZM Sohn seet wahn sayv rait fronta di stayj fi dehn wan weh wahn geh baptaiz, soh dehn shuda di sidong dehsoh bifoa di baptizm taak bigin Satideh maanin. Eech wan a dehn shuda bring dehn oan towil ahn wahn deesent baat soot.
DOANAYSHANZ Fi mek wi injai dis kanvenshan weh wahn help wi fi jraa kloasa tu Jehoava, di bradaz mek araynjment fi ga nof seet, wahn gud song sistem, veedyo ikwipment, ahn lat moa ting. Aala dis kaas wahn lata moni. Di valanteri doanayshan dehn weh yoo mek ku help pay fi aala dis, ahn sopoat di werk a Jehoava Witnisiz aal oava di werl. If enibadi waahn mek wahn doanayshan, dehn wahn ga kanchribyooshan baks da difrent spat eena di kanvenshan loakayshan. Wi apreeshiayt aal di doanayshan dehn weh yu mek. Di Govanin Badi waahn tank aala unu fi unu jenaros sopoat a di werk fi Gaad Kingdom.
FERS AYD Pleez memba dat dis dipaatment da ONLI FI IMERJENSI.
LAAS AHN FONG If yu fain eniting weh da noh fi yoo, kehr it da di Laas ahn Fong Dipaatment. If yu laas eniting, goh da dis saym dipaatment ahn si if yu fain it deh. If yu si wahn pikni weh luk laas an ih payrents noh deh rong, pleez kehr ahn da dis dipaatment tu. Bot memba, dis da noh wahn day-kyaa. Pleez kip wahn aiy pahn yu pikni dehn, ahn kip dehn lang wid yu.
SEETIN Memba fi ga gud manaz ahn onli sayv seet fi yu famili, dehn wan weh chravl wid yu, dehn wan weh di stay da yu hows, er dehn wan weh di stodi di Baibl wid yu. Pleez noh put notn pahn eni seet weh yu noh wahn yooz.
VALANTYAA SERVIS If yu wuda waahn help owt wid di werk fi dis kanvenshan, pleez goh da di Infamayshan ahn Valantyaa Servis Dipaatment.
Di Govanin Badi a Jehoava Witnisiz Araynj Dis Kanvenshan
