CHAPTA 8
Jehoava Waahn Fi Hihn Peepl Bee Kleen
Jehoava waahn wi bee kleen ahn pyoar. —PSALM 18:26.
1-3. (a) Wai wahn ma mek shoar dat ih son kip kleen? (b) Wai Jehoava waahn fi hihn peepl bee kleen?
PICHA wahn lovin ma di help ih lee bwai geh redi fi skool. Shee mek shoar dat ih bayd, ahn dat ih kloaz luk nais ahn neet. Dis kip ahn helti an ih shoa di peepl rong ahn dat fi hihn payrents di tek gud kayr a hihn.
2 Fi wee Faada, Jehoava, waahn wi bee kleen ahn pyoar. (Psalm 18:26) Ih noa dat wen wi kleen, da fi wi oan benifit. Ahn wen wi kleen, wi aana hihn.—Ezekiel 36:22; reed 1 Peeta 2:12.
3 Weh ih meen fi bee kleen? Wai ih gud fi mek wi bee kleen? Az wi ansa dehnya kweschan, wi mait si dat wi need fi mek sohn chaynjiz eena fi wee oan laif.
WAI WI NEED FI BEE KLEEN?
4, 5. (a) Wai wi need fi bee kleen? (b) Weh kriyayshan teech wi bowt how Jehoava feel bowt kleenis?
4 Wi laan how fi bee kleen ahn pyoar fahn Jehoava egzampl. (Leviticus 11:44, 45) Soh di moas impoatant reezn wai wi need fi bee kleen da bikaaz wi waahn “bee laik Gaad.”—Ifeezhanz 5:1.
5 Kriyayshan teech wi how Jehoava feel bowt kleenis. Hihn mek di ert fi bee wahn kleen plays fi hyoomanz. Ih kriyayt sohn nachral saikl weh help kip di ert kleen. Fi egzampl, wen di son kom owt afta ih rayn, di waata ton intu vaypa ahn den di waata vaypa faam di klowd dehn weh bring di rayn. Den da saikl kantinyu oava an oava agen. Sohn ada egzampl da di mangroav weh help kip di waata kleen. Ahn pahn lan, jankro, kraab, aants, wom, an ada animal help kip di ert kleen.—Jeremiah 10:12; Roamanz 1:20.
6, 7. How di Laa a Moaziz mi shoa dat Jehoava peepl haftu bee kleen?
6 Wahn nada way wi laan how Jehoava feel bowt kleenis da chroo di Laa weh ih mi gi di Izrelait dehn. Fi egzampl, di peepl mi haftu bee fizikali kleen soh dat Jehoava kuda mi aksep dehn wership. Pahn di Day a Atoanment wen di hai prees aafa op sakrifais fi di sinz a di hoal nayshan, ih mi haftu bayd too taim. Leviticus 16:4, 23, 24) Ahn bifoa di ada prees dehn mi aafa op sakrifais, dehn mi haftu wash dehn han ahn fut. (Exodus 30:17-21; 2 Chronicles 4:6) Eena som sichuwayshan, if dehn neva obay di Laa dehn pahn kleenis, di ponishment da-mi det.—Leviticus 15:31; Numbers 19:17-20.
(7 How bowt tudeh? Wi ku laan wahn lat bowt Jehoava standadz fahn di Laa. (Malachi 3:6) Ih shoa wi klyaa-wan dat Jehoava peepl mi need fi bee kleen. Bot Jehoava standadz noh chaynj, hihn stil ekspek fi hihn peepl fi bee kleen ahn pyoar.—Jaymz 1:27.
WEH IH MEEN FI BEE KLEEN?
8. Wat da sohn wayz wi need fi bee kleen?
8 Tu Jehoava, kleenis da noh jos fi kip wi badi, kloaz, ahn hoam kleen; hihn waahn wi kip wi hoal laif kleen. Ahn dis inklood wi wership, kandok, ahn tinkin. Soh, if wi waahn Jehoava si wi az kleen peepl, wi haftu bee kleen eena aal ayrya a wi laif.
9, 10. Weh ih meen fi ga kleen wership?
9 Kleen wership. Wi kyaahn ga notn fi du wid faals rilijan. Wen di Izrelait dehn da-mi priznaz da Babilan, dehn mi deh rong peepl hoo yoostu du aal kaina imoaral tingz joorin dehn aidol wership. Di peepl fahn Babilan yoostu teech wahn lata lai—tingz weh Jehoava neva teech di Izrelait dehn. Soh Aizaiya mi prafesai dat di Izrelait dehn wuda mi goh bak hoam tu Izrel ahn set op chroo wership agen. Jehoava mi tel dehn: ‘Soh den, unu fi kom owt fahn monks dehn wan weh noh bileev. Noh ga notn fi du wid dehn. Noh ga notn fi du wid eniting weh noh Isaiah 52:11.
kleen.ʼ Dehn kudn miks dehn wership tu Jehoava wid di teechinz, habits, er kostomz a di faals rilijan fahn Babilan.—10 Chroo Kristyanz tudeh avoid faals rilijan tu. (Reed 1 Korintyanz 10:21.) Aal oava di werl, wahn lata chradishan, kostom, ahn bileef bays pahn faals rilijos teechinz. Fi egzampl, eena wahn lata kolcha, peepl bileev dat sohnting eensaida wi kip aan di liv afta wi ded, ahn wahn lata kostom bays pahn dis bileef. (Ecclesiastes 9:5, 6, 10) Chroo Kristyanz need fi avoid dehndeh kaina kostom. Wi famili mait presha wi fi tek paat eena som a dehn. Bot bikaaz wi waahn bee kleen tu Jehoava, wi noh giv een tu dehndeh kaina presha.—Aks 5:29.
11. Weh ih meen fi ga kleen kandok?
11 Kleen kandok. If wi waahn Jehoava si wee az kleen ahn pyoar, wi haftu kip weh fahn eni kaina sekshwal imoraliti. (Reed Ifeezhanz 5:5.) Eena di Baibl, Jehoava tel wi fi “ron fahn eni kaina sin weh ga fi du wid seks.” Hihn seh playn-wan dat if sombadi di du dehnya kaina sin ahn noh ripent, da persn ‘noh wahn ga no paat eena fi hihn kingdom.ʼ—1 Korintyanz 6:9, 10, 18; pleez goh da Noat 22 da di en a dis buk.
12, 13. Wai wi need fi kip wi tinkin kleen?
12 Kleen tinkin. Moas a di taim, weh wi di tink bowt da weh wi en op di du. (Machyu 5:28; 15:18, 19) If wi tinkin kleen ahn pyoar, wi wahn ak eena wahn kleen ahn pyoar way. Af koars, wi noh perfek, soh wi wahn ga rang tinkin fahn taim tu taim. Bot wen dis hapm, wi fi tek dehn owta wi main rait away. If wi noh du dat, in taim, wi mait fain dat wi haat noh kleen ahn pyoar nohmoh. Wi mait staat tu waahn du di tingz weh wi di tink bowt. Insted, wi haftu ful op wi main wid pyoar tingz. (Reed Filipiyanz 4:8.) Soh wi need fi stay weh fahn tingz laik imoaral er vailent entataynment; ahn wi need fi bee kyaaful wid weh wi chooz fi reed, wach, ahn taak bowt.—Psalm 19:8, 9.
13 If wi waahn stay eena Gaad lov, wi haftu kip wi wership, kandok, ahn tinkin kleen ahn pyoar. Bot ih aalso impoatant tu Jehoava dat wi bee fizikali kleen.
HOW WI KU BEE FIZIKALI KLEEN?
14. Wai ih impoatant fi bee fizikali kleen?
14 Wen wi kip wi badi ahn di plays weh wi liv kleen, da noh onli wee benifit, ada peepl rong wi benifit tu. Wi wahn feel gud, an adaz wahn laik deh rong wi. Bot di mayn reezn wai wi kip fizikali kleen da fi bring aana tu Jehoava. Tink bowt dis: Weh kohn tu yu main wen yu si wahn pikni weh aalwayz doti? Yu praabli tink bowt di kaina ma ahn pa weh ih gat. Jos laik how wahn doti pikni ku mek ih payrents luk bad, wi ku mek Jehoava luk bad if wi noh tek kayr a wiself ahn kip wiself kleen. Paal mi seh: “Wi di chrai liv eena wahn way soh dat nobadi kyaahn fain no faalt wid di werk weh wi di du. Wi noh waahn du notn fi kip bak nobadi fahn fain di Laad. Bot eena evriting weh wi du, wee shoa dat wee reeli di serv Gaad fi chroo.”—2 Korintyanz 6:3, 4.
Bikaaz wi da Jehoava peepl, wi need fi kip wiself ahn di tingz wi yooz kleen
15, 16. Weh wi ku du fi kip wiself kleen?
Deuteronomy 23:12, 13.
15 Wi badi ahn wi kloaz. Wi need fi kip wiself kleen evri day. Fi egzampl, wi bayd evri day if wi kud. Wi wash wi han wid soap ahn waata, espeshali bifoa wi kuk er eet ahn fi shoar afta wi yooz di baachroom er toch sohnting weh doti. Ih mait song laik wahn simpl ting fi wash wi han, bot ih impoatant if wi noh waahn spred bakteerya ahn dizeez. Ih ku eevn sayv wahn persn laif. If wi noh ga wahn tailit er wahn baachroom eensaida wi hows, wi ku stil fain kleen wayz fi geh rid a hyooman ways. Di Izrelait dehn neva ga tailit laik weh wee ga tudeh, soh dehn mi haftu beri dehn ways eena di grong, faar fahn peepl hoam ahn fahn weh dehn geh waata.—1 Timoti 2:9, 10.) Wi aalwayz waahn mek shoar dat wi kloaz ahn di way wi luk bring aana tu Jehoava.—Taitos 2:10.
16 Wi kloaz noh need fi bee fansi, ekspensiv, er di laytes fashan. Bot dehn need fi bee neet ahn kleen. (Reed17. Wai wi fi kip wi hoam ahn di tingz weh wi oan kleen?
17 Wi hoam ahn di tingz wi oan. Noh mata weh wi liv, wi sopoas tu kip wi hoam kleen. Wi mek shoar dat wi veekl, skoota, er baisikl kleen tu, espeshali if wi yooz it fi goh da meetin er fi goh preech. Aftaraal, wen wi goh preech, wi di tel adaz bowt weh laif wahn bee laik eena wahn kleen paradais pahn dis ert. (Look 23:43; Revilayshan 11:18) Soh di way wi kip wi hoam, yaad, ahn di tingz wi oan ku shoa if wi di pripyaa fahn now fi liv eena da kleen nyoo werl.
18. Wai wi fi kip di plays weh wi wership kleen?
18 Wi plays a wership. Wi shoa dat kleenis impoatant tu wi wen wi kip wi meetin plays kleen. Fi egzampl, wi kip wi Kingdom Haal er di plays weh wi ga wi asembli dehn kleen. Wen peepl goh da wahn Kingdom Haal fi di fos taim, dehn aalwayz noatis dat ih kleen. Dis bring aana tu Jehoava. Az membaz a di kangrigayshan, aala wi ga di apachooniti fi help kleen di Kingdom Haal ahn fi kip it eena gud kandishan.—2 Chronicles 34:10.
GEH RID A BAD HABITS
19. Wat da sohn bad habit weh wi need fi avoid?
19 Eevn doa di Baibl noh lis aaf evri bad habit weh wi shuda avoid, ih gi wi prinsiplz weh ku help wi fi andastan how Jehoava feel bowt dehndeh tingz. Fi egzampl, smoak er abyooz alkohol er jrogz. If wee da frenz wid Gaad, wi noh wahn du dehnya tingz. Wai? Bikaaz wi ga deep rispek fi laif. Dehnya kaina habit ku shaatn wi laif, damij wi helt, ahn haam di peepl rong wi. Wahn lata peepl chrai fi stap dehnya bad habit fi di sayk a dehn helt. Bot, az Jehoava frenz, wi ga di bes reezn fi stap—wi lov fi Gaad. Wahn yong uman mi seh: “Ah mi kleen op mi laif ahn lef mi adikshan onli wid Jehoava help. . . . Ah noh tink Ah kuda mi mek dehndeh chaynjiz pahn mi oan.” Soh den, mek wi diskos faiv Baibl prinsiplz weh ku help sombadi stap daynjaros habits.
hihn noh waahn wi20, 21. Weh kaina habit Jehoava noh waahn wi gat?
20 “Gaad mek aala dehn pramis tu wi, soh den, mek wi kip weh fahn evriting weh noh wahn mek wi badi ahn wi spirit kleen fahn sin. Mek wi du wi bes fi liv wahn hoali laif owta rispek fi Gaad.” (2 Korintyanz 7:1) Jehoava noh waahn wi ga eni kaina bad habit weh ku damij wi main er wi badi.
21 Wahn powaful reezn fi “kip weh fahn evriting weh noh wahn mek wi badi ahn wi spirit kleen fahn sin” deh da 2 Korintyanz 6:17, 18. Eena da skripcha, Jehoava tel wi: ‘Noh ga notn fi du wid eniting weh doti.ʼ Den ih pramis wi: “Ai wahn welkom unu. Ai wahn bee unu Faada, ahn unu wahn bee mi son ahn mi daata dehn.” Soh Jehoava wahn lov wi di way wahn pa lov ih chiljren, bot wi haftu avoid di tingz weh hihn hayt.
22-25. Wat da sohn Baibl prinsiplz weh ku help wi avoid bad habits?
22 “Yu fi lov di Laad yu Gaad wid aala yu haat, Machyu 22:37) Dis da di moas impoatant koman owta aala dehn. (Machyu 22:38) Jehoava dizerv aala wi lov. Bot wi kyaahn gi hihn aala wi lov if wi chooz fi du tingz weh ku shaatn wi laif er damij wi brayn. Wi haftu chrai wi bes fi shoa rispek fi di laif weh hihn gi wi.
ahn wid aala yu soal, ahn wid aala yu main.” (23 “[Jehoava] gi laif ahn bret tu evriting.” (Aks 17:24, 25) Weh yu wuda du if wahn fren gi yu wahn speshal gif? Yu wuda chroa it weh er dischrai it? No, yu wudn du dat. Wel, wi laif da wahn wandaful gif fahn Jehoava, ahn wi reeli apreeshiayt dis gif. Soh bikaaz a dat, wi fi chrai yooz wi laif eena wahn way weh wahn aana hihn.—Psalm 36:9.
24 “Lov yu nayba sayhn laik how yu lov yuself.” (Machyu 22:39) Wen wi ga bad habits, da noh onli wee geh hert, bot wi hert di peepl weh deh rong wi, ahn moas a di taim, da peepl weh wi lov. Fi egzampl, wahn persn weh liv eena di saym hows wid sombadi weh smoak ku en op wid seeryos helt prablemz kaaz ih di breed een da saym smoak. Soh wen wi stap bad habits laik dat, wi shoa dat wi lov di peepl weh deh rong wi.—1 Jan 4:20, 21.
25 “Yu fi rimain di bileeva dehn . . . dat dehn fi put dehnself anda dehn wan weh eena atariti.” (Taitos 3:1) Ih gens di laa fi gat er yooz sertn jrogz eena wahn lata konchri. Sins Jehoava koman wi fi shoa rispek fi di govament, wi obay dehndeh laa.—Roamanz 13:1.
Wen wi kleen ahn pyoar, wi aana Jehoava
26. (a) Weh wi need fi du if wi waahn Jehoava aksep wi wership? (b) Wai wi fi chrai wi bes fi kip wiself kleen ahn pyoar?
Isaiah 48:17) Wen wi du wi bes fi kip kleen ahn pyoar, wi noa dat wi di bring aana tu wi Gaad.
26 If wi waahn bee Jehoava fren, wi mait si dat wi need fi mek sohn chaynjiz. If dat da chroo, wi fi staat rait away. Ih noh aalwayz eezi fi stap wahn bad habit, bot wid Jehoava help, wi ku du it! Hihn pramis dat ih wahn help wi. Ih seh: “Ai, Jehoava, da yu Gaad, di Wan weh di teech yu fi yu oan gud, di Wan weh di gaid yu eena di way how yu shuda waak.” (