CHAPTA 16
Stan Op ahn Fait di Devl
‘Stan op ahn fait di Devl, an ih wahn ton rong ahn ron fahn yu.ʼ—JAYMZ 4:7.
1, 2. Weh wi need fi andastan bowt di Devl ahn di deemon dehn?
LAIF eena Jehoava nyoo werl wahn bee wandaful. Fainali, wi wahn liv di way Gaad waahn wi liv. Bot fi rait now, wi di liv eena wahn werl weh Saytan an ih deemon dehn di kanchroal. (2 Korintyanz 4:4) Eevn doa wi kyaahn si dehn, dehn egzis ahn dehn veri powaful.
2 Eena dis chapta, wi wahn taak bowt how wi ku stay kloas tu Jehoava ahn protek wiself fahn Saytan. Jehoava pramis dat ih wahn help wi. Bot wi need fi andastan di difrent wayz how Saytan an ih deemon dehn chrai fi chrik wi an atak wi.
“LAIK WAHN LAIYAN WEH DI ROAR”
3. Weh di Devl waahn du tu wi?
3 Saytan klaym seh dat hyoomanz di wership Jehoava onli fi weh wi ku get fahn Hihn ahn dat wi wahn stap serv Gaad if tingz geh tu haad. (Reed Job 2:4, 5.) Wen sombadi shoa dat ih waahn laan bowt Jehoava, Saytan an ih deemon dehn noatis dat, ahn dehn chrai fi stap da persn. Dehn geh beks wen wahn persn dedikayt ih laif tu Jehoava ahn geh baptaiz. Di Baibl seh dat di Devl da “laik wahn laiyan weh di roar; ih di waak rong slai-wan di si hoo ih kud eet op.” (1 Peeta 5:8) Saytan waahn dischrai wi rilayshanship wid Jehoava.—Psalm 7:1, 2; 2 Timoti 3:12.
Saytan beks wen wi dedikayt wi laif tu Jehoava
4, 5. (a) Weh Saytan kyaahn du? (b) Weh ku help wi fi ‘stan op ahn fait di Devlʼ?
4 Wi noh need fi bee frayd fi Saytan an ih deemon dehn. Jehoava limit weh dehn ku du tu wi. Jehoava pramis dat wahn “big big krowd” a fi hihn peepl wahn servaiv di grayt chribyulayshan. (Revilayshan 7:9, 14) Saytan kyaahn du notn fi stap dat fahn hapm, kaaz Jehoava di protek fi Hihn peepl.
2 Chronicles 15:2; reed 1 Korintyanz 10:13.) Wahn lata Jehoava faytful servants fahn eena di paas, laik Aybl, Eenak, Noawa, Sayra, ahn Moaziz, mi stay kloas tu Jehoava ahn dat mi help dehn fi stan op tu di Devl ahn fait gens ahn. (Heebrooz 11:4-40) Wi ku du di saym ting tu. Di Baibl pramis dat if wi ‘stan op ahn fait di Devl, ih wahn ton rong ahn ron fahn wi.ʼ—Jaymz 4:7.
5 Saytan kyaahn brok wi rilayshanship wid Jehoava if wi stay kloas tu Hihn. Di Werd a Gaad pramis wi: “Jehoava wahn deh wid yu az lang az yoo stay wid hihn.” (‘WI GA WAHN FAITʼ
6. Weh Saytan di yooz fi atak wi?
6 Eevn doa Saytan noa dat Jehoava limit weh ih ku du tu wi, ih stil chrai fain difrent wayz fi damij wi rilayshanship wid Jehoava. An ih di yooz di saym chrap dehn fi towznz a yaaz now. Wat da som a dehnya chrap er chriks?
7. Wai Saytan di atak Jehoava peepl?
7 Di apasl Jan mi rait seh: “Di hoal werl deh anda di powa a di eevl wan.” (1 Jan 5:19) Saytan di kanchroal dis wikid werl an ih wuda waahn kanchroal Jehoava peepl tu. (Micah 4:1; Jan 15:19; Revilayshan 12:12, 17) Di Devl noa dat ih noh ga moch taim lef, soh ih di put wahn lata presha pahn aala wi fi chrai mek wi noh stay laayal tu Gaad. Sohntaim di Devl atak wi eena wayz weh eezi fi mek wi si, bot ada taimz, ih atak dehn ku kech wi aaf gyaad.
8. Weh eech Kristyan need fi riyalaiz?
8 Di skripcha da Ifeezhanz 6:12 seh dat “wi di fait gens dehn powa weh wi kyaahn si.” Den ih tel wi dat di powa dehn da “di eevl spirit dehn.” Eech wan a wi az Kristyanz ga wahn fait gens di Devl ahn di deemon dehn. Wi need fi riyalaiz dat evribadi hoo mek wahn dedikayshan tu Jehoava deh eena dis fait. Eena Paal leta tu di Kristyanz da Efisos, ih mi tel dehn moa dan wan taim dat dehn wuda mi need fi ‘stan opʼ gens di Devl.—Ifeezhanz 6:11, 13, 14.
9. Weh Saytan ahn di deemon dehn di chrai du tu wi?
9 Saytan ahn di deemon dehn di chrai chrik wi eena difrent wayz. Jos bikaaz wi stan op gens di Devl eena wan way, noh meen dat ih kyaahn get tu wi eena wahn nada way. Di Devl chrai fain wi weeknis dehn soh dat ih ku noa wich chrap fi yooz pahn wi. Bot wi noh haftu geh kech eena fi hihn chrap dehn, kaaz di Baibl teech wi bowt di kaina chrap dehn weh hihn yooz. (2 Korintyanz 2:11; pleez goh da Noat 31 da di en a dis buk.) Wan a ih chrap dehn da spiritizm.
STAY FAAR FAHN DI DEEMON DEHN
10. (a) Wat da spiritizm? (b) How Jehoava feel bowt spiritizm?
10 Spiritizm da eni kantak wid di deemon dehn, fi egzampl, oabya er blak majik. Sohn ada egzampl da wen sombadi put wahn spel pahn wahn neks persn, reed yu han, chrai fi taak wid ded peepl, er yooz horoskoap er jreem buk. Di Baibl tel wi dat Jehoava “hayt” spiritizm ahn dat wi kyaahn get involv wid spiritizm ahn wership hihn saym taim. (Deuteronomy 18:10-12; Revilayshan 21:8) Kristyanz haftu avoid aal kaina spiritizm.—Roamanz 12:9.
11. Weh ku hapm wans wi staat tu shoa inchres eena spiritizm?
11 Saytan noa dat if wi inchrestid eena eniting fi du wid spiritizm, ih wahn bee eeziya fi mek hihn kech wi eena ih chrap. Eni kaina spiritizm wuda dischrai wi rilayshanship wid Jehoava.
SAYTAN CHRAI FI CHRIK WI
12. How Saytan chrai fi kanfyooz wi?
12 Saytan chrai fi kanfyooz peepl tinkin. Lee bit bai lee bit, ih mek peepl staat tu dowt tingz, ahn bifoa dehn noa it, dehn geh kanfyooz ahn staat tu tink dat “gud da bad ahn bad da gud.” (Isaiah 5:20) Di Devl waahn wi tink dat di kongsl eena di Baibl noh werk ahn dat wi wuda bee hapiya if wi ignoar Gaad standadz.
13. Weh Saytan du fi chrai put dowts eena peepl main?
13 Wan a di chrap dehn weh Saytan di yooz fahn eva sins da dowts; an ih di geh gud rizolts wid it. Bak eena di gyaadn a Eedn, ih mi chrai fi get Eev fi dowt weh Gaad mi seh. Soh Saytan aks ahn wahn kweschan: “Da chroo Gaad seh yu noh fi eet fahn aala di chree eena di gyaadn?” (Genesis 3:1) Den laytaraan, eena Joab taim, Saytan mi aks Jehoava dis kweschan fronta aala di aynjel dehn: “Yoo tink dat Joab di fyaa yoo fi notn?” (Job 1:9) An afta Jeezas mi geh baptaiz, Saytan mi chrai fi temp ahn. Ih tel Jeezas: “If yoo da Gaad Son fi chroo, tel dehnya stoan fi ton intu bred.”—Machyu 4:3.
14. Weh Saytan du fi mek peepl tink dat spiritizm noh daynjaros?
14 Tudeh, di Devl stil yooz dowts. Ih chrai fi mek peepl dowt weda spiritizm reeli dat daynjaros. Ih 2 Korintyanz 11:3) Soh, weh wi ku du fi protek wiself? Weh wi ku du soh dat Saytan noh fool wi wid ih chrik dehn? Mek wi egzamin too tingz weh Saytan ku yooz fi chrai chrik wi: entataynment ahn di kaina chreetment wi chooz wen wi sik.
mek sertn kaina spiritizm luk inosent soh dat peepl noh shoar weh fi du. Eevn som Kristyanz noh mait si di daynja. (WEH SAYTAN YOOZ GENS WI?
15. How wi ku get involv wid di deemon dehn chroo wi entataynment?
15 Aala wi waahn entataynment, noh chroo? Bot wahn lata di moovi, veedyo, TV shoa, veedyo gaym, an Intanet sait nowadayz gat een tingz fi du wid majik ahn di powa a di deemon dehn. Wahn lata peepl si dehnya tingz az fon ahn dehn noh riyalaiz dat ih daynjaros fi alow di deemon dehn eena dehn laif. Wahn persn ku get involv wid spiritizm if ih bileev eena di horoskoap, reed han, kot kyaad, er luk eena kristal baal. Weh Saytan du fi mek peepl tink dat dehnya tingz noh daynjaros? Ih mek dehndeh tingz luk inchrestin ahn fon. Wahn persn mait eevn tink dat ih noh wahn hert ihself if ih jos wach sohnting wid spiritizm, az lang az hihn noh praktis it ihself. Wai ih daynjaros fi tink laik dat?—1 Korintyanz 10:12.
16. Wai wi fi rijek entataynment weh gat een eniting fi du wid di deemon dehn?
16 Saytan ahn di deemon dehn kyaahn reed wi main. Bot dehn ku laan weh wi laik ahn how wi tink wen dehn si di chois dehn weh wi mek fi wiself ahn wi famili, ahn dis inklood wi chois a entataynment. Galayshanz 6:7.
If wi entatayn wiself wid eni moovi, sang, er buk bowt wich ahn wizad, majik powaz, vampaiya, er tingz laik dehndeh, ih ku shoa Saytan dat wee inchrestid eena hihn an ih deemon dehn. Den hihn ku chrai fi get wi fi praktis spiritizm.—Reed17. How Saytan ku tek advantij a wi wen wi sik?
17 Saytan ku tek advantij a wi wen wi sik, kaaz aala wi waahn bee helti. Tudeh, wahn lata peepl di sofa fahn bad helt. Wahn persn mait vizit wahn lata haaspital er dakta ahn stil noh geh beta. (Maak 5:25, 26) Ih mait waahn geh beta soh bad dat ih wuda wilin fi chrai eniting. Bot az Kristyanz, wi need fi bee kyaaful noh fi chooz chreetment weh involv spiritizm.—Isaiah 1:13.
Pen pahn Jehoava wen yu sik
18. Wat da sohn chreetment weh wahn Kristyan wudn aksep?
18 Bak eena di dayz a di Izrelait dehn, som a dehn mi-di praktis majik. Soh Jehoava mi tel dehn: “Wen unu spred owt unu han dehn, Ah haid mi aiy dehn fahn unu. Eevn doa unu aafa op lata pryaaz, Ah noh di lisn.” (Isaiah 1:15) Imajin dat—Jehoava neva lisn tu dehn pryaaz! Soh wi noh waahn du notn weh ku damij wi rilayshanship wid Jehoava ahn stap hihn fahn help wi, espeshali if wi sik. (Psalm 41:3) Wi haftu fain owt if di chreetment weh wi di tink bowt tek gat eniting fi du wid spiritizm er di powa weh di deemon dehn gat. (Machyu 6:13) If da soh, den wi need fi avoid it!—Pleez goh da Noat 32 da di en a dis buk.
STOARI BOWT DI DEEMON DEHN
19. Weh kaaz wahn lata peepl fi bee frayd fi di Devl?
19 Som peepl tink dat di Devl ahn di deemon dehn noh reel, bot adaz noa dat dehn reel bikaaz a di tingz weh dehn persnali gaahn chroo. Wahn lata peepl frayd fi dehndeh wikid spirit, ahn soh dehn kip wahn lata kostom fi protek dehnself. Adaz tel goas stoari ahn kaaz peepl fi bee moa frayd. Dehn taak bowt aala di terabl tingz weh di deemon dehn du tu peepl. Moas a di taim, peepl laik dehndeh stoari an eksaitid fi tel adaz bowt dehn. Bot dehndeh stoari jos mek peepl frayd fi di Devl.
20. How wi ku en op di spred Saytan lai?
20 Tink bowt dis—Saytan waahn peepl frayd fi 2 Tesaloanyanz 2:9, 10) Ih laiyad bad! An ih noa how fi get peepl weh shoa inchres eena spiritizm fi bileev tingz weh da noh chroo. Dehndeh peepl mait tel stoari bowt weh dehn tink dehn mi si ahn hyaa. Di moa peepl ripeet dehndeh stoari, di moa tayl dehn ad aan. Now, tink bowt dis tu: Som peepl don frayd fi Saytan aredi, soh wai wee wuda werk lang wid hihn ahn mek moa peepl frayd far ahn, espeshali sins dat da egzakli weh hihn waahn?—Jan 8:44; 2 Timoti 2:16.
hihn. (21. Insteda tel goas stoari, weh wi ku taak bowt?
21 If wan a Jehoava peepl ga wahn ekspeeryens wid di deemon dehn, ih noh fi tel da stoari oava an oava jos fi entatayn adaz. Jehoava peepl noh need fi frayd fi eniting weh di Devl an ih deemon dehn ku du. Insted, wi fi taak bowt Jeezas ahn di powa weh Jehoava giv hihn. (Heebrooz 12:2) Ahn memba tu, Jeezas neva entatayn ih disaipl dehn wid stoari bowt di deemon dehn. Insted, ih mi taak bowt di Kingdom mesij ahn di “grayt ting dehn weh Gaad du.”—Aks 2:11; Look 8:1; Roamanz 1:11, 12.
22. Weh yoo mek op yu main fi du?
22 Noh mek wi faget dat Saytan goal da fi dischrai wi rilayshanship wid Jehoava. Hihn wahn chrai eniting fi du dat. Bot wi noa how ih werk ahn wi don mek op wi main fi stan op gens hihn an aal di difrent kaina spiritizm weh ih yooz. Wi ‘noh fi gi di Devl no chaans fi mek wi sin.ʼ (Reed Ifeezhanz 4:27.) Soh, if wi stan op ahn fait di Devl, ih wahn kyaahn kech wi eena ih chrap dehn. Ahn Jehoava wahn deh rait deh fi protek wi soh dat wi ku feel sayf.—Ifeezhanz 6:11.