Bifoa yu stodi wid di persn

1. 1. Pripyaa gud. Wen yu di pripyaa, tink bowt how di infamayshan ku help di persn, tink bowt ih sichuwayshan, ahn weh ih bileev eena. Chrai figa owt if eni a di points wuda bee haad fi mek ih andastan er aplai eena ih laif. Tek taim fi reed ahn wach di veedyo dehn eena di “Fain Owt Moa” sekshan fi si how ih ku help yu styoodent ahn yooz it joorin di stodi if yu si yu styoodent need moa infamayshan.

Wen yu di stodi wid di persn

1. 2. Pray bifoa an afta di stodi if dat okay wid yu styoodent.

2. 3. Noh taak tu moch. Foakos pahn di infamayshan eena di lesn ahn mek di styoodent taak bowt how ih feel ahn weh ih tink.

3. 4. Wen yu staat wahn nyoo sekshan, goh da di sekshan payj ahn reed di mayn point eena da sekshan weh deh da tap a di payj ahn hailait som a di lesnz unu wahn stodi.

4. 5. Wen yu finish stodi wahn sekshan, yooz di rivyoo kweschanz fi help yu styoodent memba di tingz weh ih don laan.

5. 6. Wen yu stodi eech lesn wid yu styoodent:

   1. Reed eech paragraaf eena di fers paat a di lesn.

   2. Reed aal di skripchaz weh seh “Reed.”

   3. If yu si ih wahn help yu styoodent andastan beta, reed di ada skripcha dehn.

   4. Wach aal di veedyo weh seh “Play” (if ih pasabl fi mek yu du dat).

   5. Aks di styoodent eech kweschan.

   6. Aks yu styoodent fi luk pahn di picha dehn eena di “Saach fi Moa” sekshan an aks ahn fi tel yu weh ih andastan.

   7. Yooz di “Weh Ah Ku Werk Pan” baks fi help yu styoodent si how ih di mek spirichwal proagres. Yu ku inkorij ahn fi werk pahn di goalz weh don dehdeh, set nyoo wanz, er werk pahn dehn too tingz.

   8. Aks yu styoodent wich wan a di aatikl er veedyo fahn di “Fain Owt Moa” sekshan ih mi reeli laik wen ih mi-di pripyaa fi ih stodi.

   9. Chrai finish wahn lesn evri taim yu stodi wid yu Baibl styoodent.

Afta yu don stodi wid di persn

1. 7. Aalwayz tink bowt yu styoodent. Pray an aks Jehoava fi bles di efoat weh yu styoodent di mek ahn fi gi yu wizdom fi noa how fi help ahn.