HOW FI MEK DISAIPLZ
LESN 10
Du Aal Weh Yu Kud
Prinsipl: “Ai wilin fi spen evriting weh Ah gat fi unu, eevn fi giv op mi laif.”—2 Kor. 12:15.
Weh Jeezas Mi Du
1. Wach di VEEDYO, er reed Jan 3:1, 2. Den aks yuself dehnya kweschanz:
-
Wai Nikodeemos mi wayt til da nait fi si Jeezas? —Si Jan 12:42, 43.
Weh Wi Laan Fahn Jeezas?
2. Wi shoa lov fi peepl wen wi du aal wi kud fi help dehn bee Jeezas disaiplz.
Bee Laik Jeezas
3. Pik wahn taim ahn plays fi stodi weh werk gud fi di persn. Di persn mait ga wahn day ahn taim wen ih rada stodi. Ih wuda waahn stodi da werk, weh ih liv, er sohnweh els? If ih pasabl, chaynj yu skejul fi stodi wid di persn da wahn plays ahn taim weh gud fi ahn.
4. Noh mis di stodi. If yu kyaahn du di stodi, noh kyansl it. Yu ku chrai sohnting els, tink bowt dehnya kweschanz:
5. Pray fi ga di karek atichood. Aks Jehoava fi help yu noh giv op pahn yu Baibl styoodent, eevn if ih di fain it haad fi stodi er ih di tek langa fi aplai weh ih di laan eena ih laif. (Fil. 2:13) Fi shoar yu styoodent ga lata gud kwalitiz; pray an aks Jehoava fi help yu foakos pahn dehn kwalitiz.
