HOW FI STAAT WAHN KANVASAYSHAN
LESN 2
Bee Nachral
Prinsipl: “Ih soh gud wen sombadi seh di karek ting da di karek taim!”—Prov. 15:23.
Weh Filip Mi Du
1. Wach di VEEDYO, er reed Aks 8:30, 31. Den aks yuself dehnya kweschanz:
Weh Wi Laan Fahn Filip?
2. If wi taak eena wahn nachral way, moa dan laikli ih ku help di persn feel komfatabl ahn mek ih waahn hoal wahn kanvasayshan wid wi bowt di Baibl.
Bee Laik Filip
3. Luk pahn di howshoalda. Yu ku laan wahn lat bowt wahn persn wen yu luk pan ih fays er di way how ih di bihayv. Ih luk stif er rilaks? Ih luk laik ih wilin fi taak? Yu ku yooz wahn kweschan fi inchrojoos wahn Baibl chroot. Fi egzampl, yu ku seh sohnting laik, “Yu mi noa dat . . . ?” Noh foas di persn fi taak if ih noh waahn taak.
4. Bee payshent. Noh feel laik yu haftu staat taak bowt di Baibl rait away. Wayt fi di rait taim soh dat di kanvasayshan floa eena wahn nachral way. Dis ku meen yu haftu wayt fi taak tu di persn bowt di Baibl wahn nada taim.
5. Bee wilin fi mek chaynjiz. Di persn mait seh sohnting yu neva mi-di ekspek fi taak bowt. Soh yu waahn bee wilin fi taak bowt weh di persn inchrestid eena, eevn if yu en op taak bowt sohnting fahn di Baibl weh yu neva plan fi taak bowt.
