HOW FI STAAT WAHN KANVASAYSHAN
LESN 3
Shoa Kainis
Prinsipl: “Lov . . . kain.”—1 Kor. 13:4.
Weh Jeezas Mi Du
1. Wach di VEEDYO, er reed Jan 9:1-7. Den aks yuself dehnya kweschanz:
-
Weh Jeezas mi du fers—heel di blain man er shayr di gud nyooz wid ahn?—Si Jan 9:35-38.
-
Weh kuda bee di reezn wai di man mi wilin fi lisn tu Jeezas?
Weh Wi Laan Fahn Jeezas?
2. Wahn persn wahn moa lisn tu di gud nyooz if ih ku tel dat wi kay bowt ahn.
Bee Laik Jeezas
3. Chrai andastan how di persn feel.
-
Aks yuself dehnya kweschanz: ‘Weh di persn mait kansaan bowt? Wat da sohnting weh ku help ahn eena ih laif rait now weh ih wuda waahn taak bowt?ʼ Wen yu du dis, yu wahn di shoa kainis fahn yu haat ahn dat yu reeli kay bowt di persn.
-
Lisn tu di persn soh dat ih noa yu kay bowt weh impoatant tu ahn. If ih tel yu bowt how ih feel er bowt weh ih di goh chroo, noh chrai chaynj di sobjek.
4. Taak eena wahn nais ahn kain way. Wen yu ga kompashan fi wahn persn ahn reeli waahn help ahn, ih ku hyaa it eena yu vais. Tek taim fi tink bowt weh yu wahn seh ahn how yu wahn seh it. Noh seh tingz weh ku ofen ahn.
5. Chrai help. Luk fi wayz how yu ku help di persn. Wen wi du sohnting nais fi sombadi, dehn wahn bee moa wilin fi taak tu wi.
