Taak fahn yu haat. Wen yu pripyaa fi gi yu prezentayshan, tink bowt how impoatant yu mesij. Geh fi noa di infamayshan gud gud soh dat yu ku taak fahn yu haat.

Tink bowt hoo wahn di lisn tu yu. Tink bowt how di infamayshan weh yu wahn reed er teech wahn benifit dehn. Ahn tink bowt how yu ku prizent da infamayshan eena wahn way weh wahn help yu aadyans fi ga moa apreeshiayshan far it.

Put laif intu yu taak. Laivli op yu taak! Yooz nachral jeschaz, ahn shoa bai di luk pahn yu fays dat yu sinsyaa ahn dat yoo di feel yu taak tu.