Yooz iloschrayshanz weh eezi fi andastan. Jeezas mi yooz smaal tingz fi eksplayn big tingz, ahn tingz weh eezi fi eksplayn tingz weh haad fi andastan. Wi fi chrai bee laik dat eena wi teechin. Noh ad deetaylz weh noh nesiseri ahn weh mek di iloschrayshan haad fi andastan. Mek shoar dat di difrent paats a yu iloschrayshan reeli aplai tu di lesn weh yu di teech. If nat, yu wahn kanfyooz op peepl.

Tink bowt yu aadyans. Chooz iloschrayshanz weh involv tingz weh peepl noa ahn weh inchres dehn. Bot bee kyaaful dat yu iloschrayshan noh mek nobadi feel shaym er get ofendid.

Teech di mayn point. Yooz yu iloschrayshan fi teech onli di mayn point dehn. Mek shoar dat yu aadyans wahn memba di point weh yu di teech ahn noh jos di iloschrayshan.