Wi waahn tank yu fi tek di taim fi egzamin dis broashoar soh dat yu ku geh fi noa Jehoava Witnisiz beta. Yu geh fi noa da hoo wee az wahn peepl, weh aal wi du, ahn how wi aaganaizayshan fongshan. Wi hoap dat dis broashoar mi help yu fi si dat da wee di du di wil a Jehoava tudeh. Wi waahn inkorij yu fi kantinyu laan bowt Gaad, shayr weh yu di laan wid di res a yu famili ahn frenz, ahn kohn da wi meetin dehn.—Heebrooz 10:23-25.

Yu wahn fain dat di moa yu laan bowt Jehoava, di moa yu wahn si humoch hihn reeli lov yu. Den, yu wahn reeli waahn du az moch az yu kud fi shoa hihn dat yu lov ahn bak. (1 Jan 4:8-10, 19) Bot how yu ku shoa yu lov fi Gaad eena how yu liv? Wai ih wahn benifit yu if yu kip Gaad moaral standadz? Ahn weh ku help yu fi du di wil a Gaad lang wid wi? Di persn weh stodi di Baibl wid yu wahn hapi fi help yu fain di ansa dehn. Da way deh, yoo ahn yu famili ku ‘kip unuself eena di lov a Gaad, . . . ahn geh laif weh wahn neva en.’—Jood 21.

Wi waahn inkorij yu fi kantinyu mek proagres eena di chroot. Di neks buk fi stodi naym “Keep Yourselves In God’s Love.”