Febiweri 26–Maach 3
PSALMS 11-15
Sang 139 ahn Pryaa | Inchrodokshan (1 min.)
1. Imajin Yu Deh Eena di Peesful Nyoo Werl Weh Gaad Pramis
(10 min.)
Wen peepl noh rispek laa an aada, dat da weh kaaz di vailens weh wi si eena di werl nowadayz (Ps 11:2, 3; w06-E 5/15 18 ¶3)
Wi ku chros dat Jehoava wahn stap aala di vailens (Ps 11:5; wp16.4-E 11)
Wen wi tink bowt di pramis weh Jehoava gi wi fi sayv wi, ih wahn help wi fi bee payshent ahn wayt fi di nyoo werl (Ps 13:5, 6; w17.08-E 6 ¶15)
CHRAI DIS: Reed Ezekiel 34:25, ahn tek wahn lee taim fi imajin dat yu deh eena di peesful plays weh da vers diskraib.—kr-E 236 ¶16.
2. Spirichwal Chrezhaz
(10 min.)
-
Ps 14:1—How Kristyanz mait staat tu shoa di saym kaina atichood laik weh dis vers taak bowt? (w13-E 9/15 19 ¶12)
-
Weh spirichwal chrezhaz yu wuda waahn shayr fahn dis week Baibl reedin?
3. Baibl Reedin
(4 min.) Ps 13:1–14:7 (th stodi point 2)
4. How fi Staat Wahn Kanvasayshan
(2 min.) PREECH ENITAIM. Invait di persn tu di Memoaryal. (lmd lesn 5 point 3)
5. How fi Staat Wahn Kanvasayshan
(1 min.) HOWS TU HOWS. Invait di persn tu di Memoaryal. (lmd lesn 3 point 4)
6. How fi Staat Wahn Kanvasayshan
(3 min.) HOWS TU HOWS. Wahn persn waahn noa moa bowt di Memoaryal invitayshan. (lmd lesn 7 point 4)
7. How fi Mek Disaiplz
(5 min.) lff lesn 13 ahn di “Weh Wi Laan,” “Mek Wi Rivyoo,” ahn “Weh Ah Ku Werk Pan” sekshan a di lesn. Yooz wahn aatikl fahn di “Fain Owt Moa” sekshan fi help yu styoodent andastan how Gaad feel bowt faals rilijan. (th stodi point 12)
Sang 8
8. “Wizdom Beta Dan di Wepan Dehn Weh Peepl Yooz fi Fait Eena Waar”
(10 min.) Diskoshan.
Vailens di geh wers ahn wers aal rong di werl. Jehoava noa dat vailens mek wi feel frayd ahn wori wahn lat, weda wi goh chroo it wiself er wi si ada peepl di goh chroo it. Ahn hihn andastan dat wi need protekshan. Wan way how hihn protek wi da chroo ih Werd, di Baibl.—Ps 12:5-7.
Di Baibl gat een wizdom weh “beta dan di wepan dehn weh peepl yooz fi fait eena waar.” (Ec 9:18) Tink bowt how dehnya Baibl prinsipl ku help protek wi fahn vailens:
-
Ec 4:9, 10—Chrai noh deh eena eni daynjaros plays er sichuwayshan bai yuself
-
Pr 22:3—Aalwayz pay main tu weh di goh aan rong yu wen yu eena poblik
-
Pr 26:17—Noh get eena ada peepl bizniz
-
Pr 17:14—Lef di ayrya if ih luk laik sohnting vailent wahn hapm. Stay weh fahn eni krowd a peepl weh kohn tugeda fi proates
-
Lk 12:15—Noh ris yu laif fi sayv tingz weh yu oan
Play di VEEDYO weh naym Noh Kapi Dehn Wan Weh Neva Ga Fayt, Bee Laik Dehn Wan Weh Mi Ga Fayt—Noh Kapi Laymek, Bee Laik Eenak. Den aks di aadyans:
How Eenak egzampl mi help di pa fi ak eena di rait way ahn mek waiz disizhanz eevn doa vailens mi deh rong hihn an ih famili?—Hee 11:5
Sohntaim, wahn Kristyan mait feel laik ih haftu protek ihself er di tingz weh ih oan. Eena wahn sichuwayshan laik dat, ih wuda du aal weh ih kud fi mek shoar ih noh kil nobadi.—Ps 51:14; si di “Questions From Readers” aatikl eena di Joolai 2017 kapi a di The Watchtower.
9. Di Memoaryal Kampayn fi Staat Satideh, Maach 2
(5 min.) Wahn elda fi gi dis taak. Eksplayn di planz fi di kampayn, di speshal taak, ahn di Memoaryal. Rimain di poblishaz dat if dehn waahn agzilari painyaa joorin Maach an Aypril dehn ku chooz fi put een 15 owaz a mont.
10. Kangrigayshan Baibl Stodi
(30 min.) bt chap. 6 ¶9-17
