“Unu Hafu Aalwayz Bee Redi”
Eevn doa di mesij fahn di parabl a di ten braidzmayd da fi di anointid wan dehn, aal chroo Kristyanz ku stil laan fan it. (w15-E 3/15 12-16) “Soh unu hafu aalwayz bee redi kaa unu noh noa di day ner di owa.” (Mach 25:13) Yu tink yu ku eksplayn Jeezas parabl?
-
Groom (vers. 1)—Jeezas
-
Di braidzmayd dehn weh mi waiz ahn weh mi pripyaa (vers. 2)—Di anointid Kristyanz weh redi fi fulfil dehn asainment ahn shain laik wahn lait til di en (Fil 2:15)
-
Dehn hala seh: “Di groom di kohn!” (vers. 6) —Proof a Jeezas prezens
-
Schupid braidzmayd dehn (vers. 8)—Di anointid Kristyanz weh gaan owt fi meet di Groom bot dehn neva kip redi ahn neva kip dehn laayalti
-
Di waiz braidzmayd dehn mi rifyooz fi shayr dehn ail (vers. 9)—Afta Gaad don aproov aala di anointid wan dehn, ih wahn bee layt fi dehn chrai help eni a dehn ada bradaz weh neva stay faytful
-
“Di groom kohn” (vers. 10)—Jeezas kohn fi giv jojment kloas tu di en a di grayt chribyulayshan
-
Di waiz braidzmayd dehn mi gaan wid di groom eena di wedn fees, ahn den dehn mi lak di doa (vers. 10)—Jeezas gyada ih faytful anointid wan dehn da hevn, bot di wan dehn weh neva faytful en op di looz dehn riwaad da hevn